ଦେବଗଡ଼,ଏନ୍ଏନ୍ଏସ୍: ଦେବଗଡ଼ ଥାନା ବ୍ରାହ୍ମଣୀମାଲ ଗ୍ରାମର ଜଣେ ଯୁବକ ନିଜ ଦୂରସମ୍ପର୍କୀୟ ଖୁଡିଙ୍କୁ ଦୁଷ୍କର୍ମକରି ଗିରଫ ହୋଇଥିବା ଦେବଗଡ଼ ଏସପି ମନୋଜ କୁମାର ମାହାନ୍ତ ସୂଚନା ଦେଇଛନ୍ତି। ପୁଲିସ ସୂଚନା ଅନୁସାରେ, ବ୍ରାହ୍ମଣୀମାଲ ଗ୍ରାମର ମହାଦେବ ଏକ୍କାଙ୍କ ପୁଅ ଯୁଧିଷ୍ଠୀର ଏକ୍କା (୨୨) ତାଙ୍କ କକାଙ୍କ ଅନୁପସ୍ଥିତିର ସୁଯୋଗ ନେଇ ଗତ ଜୁଲାଇ ୨୪ ରେ ଖୁଡିଙ୍କୁ ଦୁଷ୍କର୍ମ କରିଥିଲା। ଘଟଣା ସମ୍ପର୍କରେ କାହାକୁ କହିଲେ ହତ୍ୟା ଧମକ ମଧ୍ୟ ଦେଇଥିଲା। ପୀଡିତା ଜଣକ ନିଜ ସ୍ୱାମୀଙ୍କୁ ଘଟଣା ସମ୍ପର୍କରେ ଜଣାଇବାପରେ ତାଙ୍କ ସ୍ୱାମୀ କେରଳରୁ ଫେରି ଏନେଇ ଦେବଗଡ଼ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୁଲିସ ଏକ ମାମଲା ରୁଜୁକରି ତଦନ୍ତକାରୀ ଅଧିକାରୀ ପ୍ରଦୀପ ରଞ୍ଜନ ପାତ୍ର ଯୁଧିଷ୍ଠୀରକୁ ଗିରଫ କରିଥିବା ଏସପି ଶ୍ରୀ ମାହାନ୍ତ ସୂଚନା ଦେଇଛନ୍ତି।
