ଜିଲ୍ଲା ପୁଲିସ ପକ୍ଷରୁ ସହିଦ ଦିବସ ପାଳିତ

ଦେବଗଡ଼,ଏନ୍ଏନ୍ଏସ୍: ସ୍ଥାନୀୟ ରିଜର୍ଭ ପୁଲିସ ପଡିଆରେ ଜିଲ୍ଲା ପୁଲିସ ପକ୍ଷରୁ ୬୧ତମ ପୁଲିସ ସହିଦ ଦିବସ ପାଳିତ ହୋଇଯାଇଛି। ଏହି ଅବସରରେ ଦେବଗଡ ଜିଲ୍ଲା ପୁଲିସ ପକ୍ଷରୁ ସ୍ମୃତି ପ୍ୟାରେଡ ସମାରୋହରେ ସହିଦମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବେ ଦେବଗଡ଼ ଏସପି ମନୋଜ କୁମାର ମାହାନ୍ତ ଯୋଗଦେଇ ସହିଦ ପୁଲିସ ଅଧିକାରୀ ଓ ଯବାନମାନଙ୍କ ନାମ ଉଚ୍ଚାରଣ କରିବା ସହ ସେମାନଙ୍କ ପାଇଁ ପୁଲିସ ବିଭାଗ ଗର୍ବିତ ବୋଲି କହିଥିଲେ। ସେହିପରି ରିଜର୍ଭ ପଡିଆରେ ଥିବା ସହିଦସ୍ତମ୍ଭରେ ଅମର ଜବାନମାନଙ୍କୁ ପୁଷ୍ପାଞ୍ଜଳି ଅର୍ପଣ ପୂର୍ବକ ନୀରବ ପ୍ରାର୍ଥନା କରାଯାଇଥିଲା।

ଏହି କାର୍ଯ୍ୟକ୍ରମରେ ଚତୁର୍ଥ ଆଇଆରବି ଭାରପ୍ରାପ୍ତ କମାଣ୍ଡାଣ୍ଟ ପ୍ରଶାନ୍ତ କୁମାର ନାୟକ, ଅତିରିକ୍ତ ଆରକ୍ଷୀ ଅଧିକ୍ଷକ ରବି ନାରାୟଣ ସିଂ, ଡେପୁଟି କମାଣ୍ଡାଣ୍ଟ ବସନ୍ତ କୁମାର ନାଏକ, ଏସଡିପିଓ ସୁଲେମାନ ଏକ୍କା, ଡିଏସପି ଶିବ ପ୍ରସାଦ ବିଶ୍ୱାଳ, ରବୀନ୍ଦ୍ର କୁମାର ରାଉତଙ୍କ ସମେତ ସମସ୍ତ ଥାନା ଅଧିକାରୀ, ବହୁ ବିଭାଗୀୟ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ।