କଟକ,ଏନ୍ଏନ୍ଏସ୍: ଆଜି କେନ୍ଦ୍ର ଗୃହରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟ ତାଙ୍କ କଟକ ଗସ୍ତର ଦ୍ଵିତୀୟ ଦିବସର ଆରମ୍ଭ କଟକ ଆରାଧ୍ୟା ଦେବୀ ମା କଟକ ଚଣ୍ଡୀଙ୍କ ଦର୍ଶନରୁ କରିଥିଲେ। ସେଠାରେ କଟକ ମହିଳା ମୋର୍ଚ୍ଚା ସଭାନେତ୍ରୀ ପ୍ରବୀଣା ମହାପାତ୍ର ଓ ରାଜ୍ୟ ସମ୍ପାଦିକା ରଶ୍ମିରେଖା ଦାସଙ୍କ ନେତୃତ୍ୱରେ ମହିଳା ମାନେ ସ୍ୱାଗତ କରି ମନ୍ଦିର ଦର୍ଶନ କରାଇଥିଲେ। ଏହାପରେ ସେ ନେତାଜୀଙ୍କ ଜନ୍ମସ୍ଥାନ ପରିଦର୍ଶନ କରିଥିଲେ। ସେଠାରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଲକ୍ଷ୍ମୀଧର ପ୍ରଧାନ, କର୍ପୋରେଟର ଗଗନ ଓଝା ଓ ଲକ୍ଷ୍ମୀଧର ବେହେରାଙ୍କ ନେତୃତ୍ୱରେ କର୍ମୀମାନେ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଇ ପରିସର ବୁଲାଇଥିଲେ।
ପରେ ସେ ସର୍କିଟ ହାଉସରେ ସାମ୍ବାଦିକ ସମ୍ମିଳନୀରେ ଯୋଗଦେଇ ଓଡିଶାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ ଯୋଜନା ବାବଦକୁ ଦେଇଥିବା ପ୍ରଚୁର ଅର୍ଥ ତଥା ବିପୁଳ ସୁଯୋଗ ଗୁଡିକୁ ଏକ ଏକ କରି ବ୍ୟାଖ୍ୟା କରିଥିଲେ। ସେଠାରୁ ସେ କଟକ ସଦର ସଂଗଠନ ସଭାପତି ପ୍ରକାଶ ବେହେରାଙ୍କ ନେତୃତ୍ୱରେ ହେଉଥିବା ଜିଲ୍ଲା କାର୍ଯ୍ୟକାରିଣୀରେ ଯୋଗଦେଇ ଉପସ୍ଥିତ ୩୦୦ରୁ ଊର୍ଦ୍ଧ୍ବ କାର୍ଯ୍ୟକର୍ତ୍ତାଙ୍କର ୨୦୨୪ ନିର୍ବାଚନ ପାଇଁ ନୈତିକ ମନୋବଳ ବଢ଼ାଇଥିଲେ। ବୁଥ୍ କମିଟି, ଶକ୍ତିକେନ୍ଦ୍ର ଗୁଡିକୁ ଶତ ପ୍ରତିଶତ ପ୍ରସ୍ତୁତ କରି ଜନତାଙ୍କ ପାଖକୁ ମୋଦୀ ଜୀଙ୍କ ବାର୍ତ୍ତା ପହଞ୍ଚାଇବାକୁ କହିଥିଲେ।
ଏଠାରେ ରାଜ୍ୟ ସାଧାରଣ ସମ୍ପାଦକ(ସଂଗଠନ) ମାନସ କୁମାର ମହାନ୍ତି, ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ, ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଦିଲ୍ଲୀପ ମଲ୍ଲୀକ, ଲୋକସଭା ପ୍ରଭାରୀ ପ୍ରତାପ ମିଶ୍ର, ସଂଯୋଜକ ସୁକାନ୍ତ ବିଶ୍ୱାଳ, ବରିଷ୍ଠ ନେତା ପିତାମ୍ଵର ଆଚାର୍ଯ୍ୟ, ରାଜ୍ୟ ଅନୁସୂଚିତ ଜାତି ମୋର୍ଚ୍ଚା ରାଜ୍ୟ ସଭାପତି ବିଭୁପ୍ରସାଦ ତରାଇ ଆଦି ପ୍ରମୁଖ ନେତା ଉପସ୍ଥିତ ରହି ଆବଶ୍ୟକୀୟ ମାର୍ଗଦର୍ଶନ କରାଇଥିଲେ।
ଏହାପରେ ଧାକୁଲେଇ ମଣ୍ଡପରେ ସଂଯୁକ୍ତ ମୋର୍ଚ୍ଚାର ବୈଠକ ନେଇଥିଲେ। ଉପସ୍ଥିତ ପ୍ରତ୍ୟେକ କାର୍ଯ୍ୟକର୍ତ୍ତା ନୂତନ ମତଦାତାଙ୍କୁ ବିଜେପିରେ ସାମିଲ କରାଇ ମୋର୍ଚ୍ଚା ଗୁଡିକର କଳେବର ବୃଦ୍ଧି କରିବାକୁ ନିବେଦନ କରିଥିଲେ। ଏଥିରେ କଟକ ନଗର ଓ ସଦରର ମୋର୍ଚ୍ଚା ସଭାପତି ସର୍ବଶ୍ରୀ ସତ୍ୟବ୍ରତ ମିଶ୍ର, ପ୍ରବୀଣା ମହାପାତ୍ର, ଜାଜ୍ଞସେନୀ ଜେନା, ମହମ୍ମଦ ସବିର, ମହେନ୍ଦ୍ର ମହାନ୍ତି, ଶିବପ୍ରସାଦ ସେଠୀ, ସରୋଜ ସେଠୀ, ଶିବପ୍ରସାଦ ନାଏକ ପ୍ରମୁଖଙ୍କ ନେତୃତ୍ୱରେ ଶତାଧିକ କାର୍ଯ୍ୟକର୍ତ୍ତା ଯୋଗଦେଇଥିଲେ।
ସମସ୍ତ ସ୍ଥାନରେ ଉପସ୍ଥିତ ରହି କାର୍ଯ୍ୟକ୍ରମ ଗୁଡିକର ସୁପରିଚାଳନା କରାଇଥିଲେ କଟକନଗର ଜିଲ୍ଲା ସଭାପତି ଲଲାଟେନ୍ଦୁ ବଡୁ, ସାଧାରଣ ସମ୍ପାଦକ ବୈଦେଶ୍ୱର ପଣ୍ଡା, ବିଶ୍ୱରଞ୍ଜନ ମିଶ୍ର ଓ ବିବେକାନନ୍ଦ ନାଏକ। ଶେଷରେ ସେ ଦିଲ୍ଲୀ ଫେରିବା ପାଇଁ ଭୁବନେଶ୍ୱର ଏୟାରପୋର୍ଟ ଯାଇଥିଲେ।
