ଦେବଗଡ଼,ଏନ୍ଏନ୍ଏସ୍: ବାରକୋଟ ଥାନା ଅନ୍ତର୍ଗତ ବଡ଼କୁଦର ଗ୍ରାମରେ ହାତୀ ଆକ୍ରମଣରେ ଜଣେ ମହିଳାଙ୍କ ଶୋଚନୀୟ ମୃତ୍ୟୁ ହୋଇଥିବା ଜଣାପଡ଼ିଛି। ମିଳିଥିବା ସୂଚନା ଅନୁସାରେ ଆଜି ଭୋରରେବଡ଼କୁଦର ଗ୍ରାମର କୁବେର ନାଏକଙ୍କ ସ୍ତ୍ରୀ ରମ୍ଭା ନାଏକ(୪୦) ଶୌଚ ପାଇଁ ଘର ଠାରୁ ଅଳ୍ପ ଦୂରରେ ଥିବା ଗ୍ରାମ ଜଙ୍ଗଲ ପଟକୁ ଯାଇଥିଲେ। ସେଠାରେ ତାଙ୍କ ଉପରକୁ ଏକ ଦନ୍ତା ହାତୀ ହଠାତ ଆକ୍ରମଣ କରିଥିଲା। ସେଠାରେ ରମ୍ଭା ଗୁରୁତର ହୋଇପଡ଼ିଥିଲେ।
ଏହା ଦେଖି ଅନ୍ୟ କେତେକ ଗ୍ରାମବାସୀ ରମ୍ଭାଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ବାରକୋଟ ଡାକ୍ତରଖାନାରେ ଭର୍ତ୍ତି କରିଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସୂଚନାପାଇ ବନବିଭାଗ କର୍ମଚାରୀମାନେ ଉକ୍ତ ଗ୍ରାମକୁ ଯାଇ ହାତୀକୁ ଘଉଡ଼ାଇବା ସହ ଘଟଣାର ତଦନ୍ତ ଆରମ୍ଭ କରିଛି।
