ଜାମ୍ମୁ-କାଶ୍ମୀର,ଏଜେନ୍ସି: ଆଜି ପୁଣି ବଲାକୋଟରେ ପାକସେନା ପକ୍ଷରୁ ଅତର୍କିତ ଗୁଳିବର୍ଷା କରାଯାଇଛି। ପାକିସ୍ତାନୀ ସେନା ମଙ୍ଗଳବାରର ବିଳମ୍ବିତ ରାତିରେ ମେଢରର ବାଲାକୋଟରେ ନିୟନ୍ତ୍ରଣ ଉପରେ ଗୁଳିମାଡ କରିଥିଲା। ଏହି ସମୟରେ ସେନାର କ୍ୟାମ୍ପ ଏବଂ ଉକ୍ତ ଅଞ୍ଚଳକୁ ଟାର୍ଗେଟ କରି ପାକ୍ ସେନା ପ୍ରବଳ ଗୁଳିବର୍ଷା ଆରମ୍ଭ କରିଥିଲା। ତେବେ ଏହାର କଡା ଜବାବ ଦେଇଛି ଭାରତୀୟ ସେନା।
ପାକ୍ ତରଫରୁ ଆରମ୍ଭ କରାଯାଇଥିବା ଗୁଳିବର୍ଷା ପାଖାପାଖି ୧.୪୦ ମିନିଟ୍ ଜାରି ରହିଥିଲା। ସୂଚନା ଅନୁଯାୟୀ ରାତି ପ୍ରାୟ ୮ଟା ୨୦ରେ ପାକସେନା ତରଫରୁ ବାଲାକୋଟ ସେକ୍ଟରରେ ଆକ୍ରମଣ କରାଯାଇଥିଲା। ଏହାଦ୍ୱାରା ନିୟନ୍ତ୍ରଣ ରେଖା ସହ ସଲଗ୍ନ ଅଞ୍ଚଳମାନଙ୍କରେ ଭୟର ବାତାବରଣ ଖେଳିଯାଇଛି। ତେବେ ଏହି ଗୁଳିବର୍ଷାରେ କାହାର କୌଣସି ଜୀବନ ହାନି ଘଟିନଥିବା କୁହାଯାଇଛି।
