ମୁମ୍ବାଇ,ଏଜେନ୍ସି: ଅଭିନେତା ଦୀପିକା ପାଦୁକୋନଙ୍କ ମ୍ୟାନେଜର କରିସ୍ମା ପ୍ରକାଶଙ୍କୁ ଗିରଫ ନକରି ମୁମ୍ବାଇର ଏକ କୋର୍ଟ ତାଙ୍କୁ ଏନସିବିରେ ହାଜର ହେବାକୁ ସମୟ ଦେଇଛନ୍ତି। କରିସ୍ମା ଅଗ୍ରିମ ଜାମିନ ପାଇଁ ଆବେଦନ କରିଥିଲେ, ଏହା ପରେ ନଭେମ୍ବର ୭ ପର୍ଯ୍ୟନ୍ତ ସ୍ୱତନ୍ତ୍ର କୋର୍ଟ ତାଙ୍କୁ ମଧ୍ୟବର୍ତ୍ତୀ ରିଲିଫ୍ ପ୍ରଦାନ କରିଥିଲେ। ପଚରାଉଚୁରା ପାଇଁ କରିସ୍ମାଙ୍କୁ ଏନସିବିରେ ହାଜର ହେବାକୁ ପଡ଼ିବ, କିନ୍ତୁ ନଭେମ୍ବର ୭ ପର୍ଯ୍ୟନ୍ତ ତାଙ୍କୁ ଗିରଫ କରାଯାଇପାରିବ ନାହିଁ।
ଏନସିବି ତାଙ୍କ ସହ ଜଡିତ ଏକ ସମ୍ପତ୍ତିରେ ତଦନ୍ତ କରି ତାଙ୍କୁ ସମନ ଜାରି କରିଥିଲା, ଏହା ପରେ ଅଧିକାରୀମାନେ ତାଙ୍କ ଘରୁ କିଛି ସାମଗ୍ରୀ ଜବତ କରିଥିଲେ। ଏନସିବି ଫିଲ୍ମ ଇଣ୍ଡଷ୍ଟ୍ରି ସହ ଜଡିତ ଡ୍ରଗ୍ସ ମାମଲାର ଅନୁସନ୍ଧାନ କରୁଛି ଏବଂ ଶ୍ରୀମତୀ ପାଦୁକୋନ, ସାରା ଅଲି ଖାନ, ରାକୁଲପ୍ରୀତ ସିଂ ଏବଂ ଶ୍ରଦ୍ଧା କପୁରଙ୍କ ପରି ଅନେକ କଳାକାରଙ୍କୁ ମଧ୍ୟ ପ୍ରଶ୍ନ କରିଛି।
