ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲାପାଳ କାର୍ଯ୍ୟାଳୟ ପଛପଟେ ଥିବା ଲେକଚର କଲୋନିରେ ଏଲଏନ କଲେଜରେ କାର୍ଯ୍ୟରତ ଥିବା ଆକାଉଣ୍ଟ ଅଶୋକ ପ୍ରଧାନଙ୍କ ମୃତଦେହ ଗଛରେ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି । କିନ୍ତୁ ଘଟଣାଟି ହତ୍ୟା ନା ଆତ୍ମହତ୍ୟା ତାହା ଜଣାପଡ଼ି ନାହିଁ । ଘଟଣାସ୍ଥଳରେ ସାଇଣ୍ଟିଫିକ ଟିମ ଏବଂ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମିଳିଥିବା ରିପୋର୍ଟ ମୁତାବକ, ଅଶୋକ ଦିନ ୧୧ଟାରୁ ଘରୁ ବାହାରି ଆଉ ଫେରିନଥିଲେ । ଆଉ ଆଜି ସକାଳୁ ଝୁଲନ୍ତା ଅବସ୍ଥାରେ ଅଶୋକଙ୍କୁ ପ୍ରଥମେ ତାଙ୍କ ସ୍ତ୍ରୀ ଦେଖିଥିଲେ । ପରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
