ବାଲେଶ୍ୱର,ଏନ୍ଏନ୍ଏସ୍: ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଡିଆର୍ଡିଓ ପକ୍ଷରୁ ସୋମବାର ଦିନ ସାଢ଼େ ୧୦ଟାରେ ଚାନ୍ଦିପୁରସ୍ଥିତ ୩ନମ୍ବର ଲଞ୍ଚପ୍ୟାଡରୁ କ୍ରୁଜ ମିସାଇଲ ନିର୍ଭୟ ପରୀକ୍ଷଣ ହୋଇଛି । ସୂଚନା ଅନୁସାରେ, ଚାନ୍ଦିପୁର ସ୍ଥିତ ୩ ନମ୍ବର ଲଞ୍ଚପ୍ୟାଡରୁ ନିର୍ଭୟର ପରୀକ୍ଷଣ କରାଯାଇଥିଲା । ଡିଆର୍ଡିଓ ଏହି କ୍ଷେପଣାସ୍ତ୍ରକୁ ବିକଶିତ କରିଛି । ଏହି କ୍ଷେପଣାସ୍ତ୍ରର ମାରକ କ୍ଷମତା ଆମେରିକାର ପ୍ରସିଦ୍ଧ ଟୋମ୍ହାୱାକ କ୍ଷେପଣାସ୍ତ୍ର ସହ ସମନ । ସମୁଦ୍ର ସ୍କିମିଂ ଏବଂ ଭୂ-ଆଲିଙ୍ଗନ କ୍ଷମତା ଯାହା ଏହି କ୍ଷେପଣାସ୍ତ୍ର ଶତ୍ରୁପକ୍ଷରୁ ରାଡର ଚହ୍ନଟ କରିବାର କ୍ଷମତା ରହିଛି । ଏହି କ୍ଷେପଣାସ୍ତ୍ର ଏକ ଲୋଟେରିଂ କ୍ଷମତା ରହିଛି ଯାହା ବିତରଣ ପ୍ଲାଟଫର୍ମକୁ ମଧ୍ୟମ ଉଡ଼ାଣ ଓ ଶେଷରେ ଏହା ଟାର୍ଗେଟକୁ ଧକ୍କା ଦେଇଥାଏ । ଏହାର ଉତ୍କ୍ଷେପଣ ଡିଆର୍ଡିଓର ଆଡ୍ଭାନ୍ସ ସିଷ୍ଟ ଲାବୋରଟୋରୀ ଦ୍ୱାରା ବିକଶିତ କରାଯାଇ ଏକ କଠିନ ରକେଟ ବୁଷ୍ଟର ଦ୍ୱାରା ଚାଳିତ ହୋଇଥିଲା । ଏହାର ଦୈର୍ଘ୍ୟ ୬ମିଟର ହୋଇଥିବା ବେଳେ ଏହାର ବ୍ୟାସ ୦.୫୨ ବା ୧.୭ଫୁଟ ରହିଛି ।
ଏହି ମିଜାଇଲ ୩ ଶହ କିଲୋଗ୍ରାମ ପର୍ଯ୍ୟନ୍ତ ପାରମ୍ପରିକ ଆଣବିକ ଅସ୍ତ୍ର ବହନ କରିବାର କ୍ଷମତା ରହିଛି । ଏହାର ଲକ୍ଷ୍ୟଭେଦୀ କ୍ଷମତା ୮ଶହ କିଲୋମିଟର ରହିଛି । ସୂଚନା ଅନୁଯାୟୀ ଚୀନ ଓ ପାକିସ୍ତାନ ପଟୁ ବଢ଼ୁଥିବା ବିପଦକୁ ଲକ୍ଷ୍ୟ କରି ଭାରତ ଏକ ଦୂର ମାରକ ବିଶିଷ୍ଟ କ୍ଷେପଣାସ୍ତ୍ର ତିଆରି କରିବାକୁ ନିଷ୍ପତ୍ତି ନେଇଥିଲା । ମାତ୍ର ମିଜାଇଲ କଣ୍ଟରୋଲ ରେଜିମ ଯୋଗୁଁ ଏଭଳି କ୍ଷେପଣାସ୍ତ୍ର ବିକାଶ କରିବାକୁ ଅନ୍ୟ ଦେଶର ସହଯୋଗ ମିଳିପାରି ନଥିଲା । ଏହାବାଦ ଡିଆର୍ଡିଓ ଏକାକୀ ନିର୍ଭୟ ସବ୍ସୋନିକ କ୍ରୁଜ କ୍ଷେପଣାସ୍ତ୍ର ବିକଶିତ କରିଛି । କିନ୍ତୁ ସର୍ବଶେଷ ସୂଚନା ଅନୁଯାୟୀ କ୍ଷେପଣାସ୍ତ୍ରଟି ଟାର୍ଗେଟରେ ପହଞ୍ଚିବାର ୧୦ ମିନିଟ ପୂର୍ବରୁ ଖସିପଡ଼ିଥିଲା । ଏ ନେଇ ବିଭାଗ ପକ୍ଷରୁ କୌଣସି ବିଧିବଦ୍ଧ ସୂଚନା ଦିଆଯାଇନାହିଁ ।
