ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟର ୨୯ତମ ଜିଲ୍ଲା ଭାବେ ସୁବର୍ଣ୍ଣପୁରକୁ କରୋନା ଡେଇଁଛି। ଏଥି ସହିତ କେବଳ ରାୟଗଡ଼ା ଜିଲ୍ଲା ହିଁ କରୋନାମୁକ୍ତ ରହିଛି। ମିଳିଥିବା ରିପୋର୍ଟ ମୁତାବକ, ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକରୁ ଜିଲ୍ଲାର ପ୍ରଥମ କରୋନା ପଜିଟିଭ ଚିହ୍ନଟ ହୋଇଛନ୍ତି। ଆକ୍ରାନ୍ତ ଜଣକ ଗତ ୧୭ ତାରିଖରେ ଗୁଜରାଟର ଅହମ୍ମଦାବାଦରୁ ଫେରି ଗଜବନ୍ଦ ପଂଚାୟତରେ ଥିବା ଅସ୍ଥାୟୀ କ୍ୱାରେଣ୍ଟାଇନ କେନ୍ଦ୍ରରେ ରହିଥିଲେ। ୧୯ ତାରିଖରେ ତାଙ୍କ ସ୍ୱାବ ନମୁନା ସଂଗ୍ରହ କରାଯାଇ ଟେଷ୍ଟ ପାଇଁ ଭୁବନେଶ୍ୱର ପଠାଯାଇଥିଲା। ଯାହାର ରିପୋର୍ଟ ଏବେ ପଜିଟିଭ ଆସିଥିବା ଜଣାପଡ଼ିଛି। ରିପୋର୍ଟ ପଜିଟିଭ ଆସିବା ପରେ ଉକ୍ତ କ୍ୱାରେଣ୍ଟାଇନ ସେଣ୍ଟରକୁ ସିଲ୍ କରାଯାଇଛି। ସେଠାରେ ରହୁଥିବା ୩୭ଜଣ ପ୍ରବାସୀ ଓଡ଼ିଆଙ୍କ ମଧ୍ୟରୁ ୧୩ ଜଣ ସ୍ୱାବ ପରୀକ୍ଷା ପାଇଁ ପଠାଯାଇଛି।
