ଛେଣ୍ଡିପଦା ବିଡ଼ିଓଙ୍କ ଝିଅମାନଙ୍କୁ ଅଶାଳୀନ ବ୍ୟବହାରର ଅଡିଓ ଭାଇରାଲ

ଅନୁଗୋଳ,ଏନ୍ଏନ୍ଏସ୍: ଅନୁଗୋଳ ଜିଲ୍ଲାର ବଅଁରପାଳ ବ୍ଲକ୍ ବଉଳିଗଡର କିଛି ପିଲାଙ୍କୁ ସ୍ୱତନ୍ତ୍ର ଗାଡି ଯୋଗେ ଜିଲ୍ଲା ପ୍ରଶାଶନ ସେମାନଙ୍କୁ ନିଜ ବ୍ଲକ ବଅଁରପାଳ ଓ ତାଳଚେର ବ୍ଲକରେ ପହଞ୍ଚାଇବା ବଦଳରେ ଛେଣ୍ଡିପଦା ବ୍ଲକର ବରପଦା ଠାରେ ରଖାଯାଇଛି।

ତେବେ ସେଠାରେ ସେମାନଙ୍କୁ ଖାଦ୍ୟରେ ଅବହେଳା କରିବା ସହ ସେମାନଙ୍କୁ ଗାଳିଗୁଲଜ କରାଯାଉଛି। ଏ ନେଇ ଝିଅମାନେ ବିଡ଼ିଓଙ୍କୁ ନିଜ ନିଜ ବ୍ଲକରେ ଛାଡିବାକୁ ନିବେଦନ କରିଥିଲେ।

କିନ୍ତୁ ଛେଣ୍ଡିପଦା ବିଡ଼ିଓ ସୁନୀଲ କେର୍କେଟା ଝିଅ ମାନଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ। ଝିଅ ପିଲାମାନେ ଚତୁରତାର ସହ ବିଡିଓ ଓ ତାଙ୍କ ମଧ୍ୟରେ ହୋଇଥିବା କଥାବାର୍ତ୍ତାକୁ ରେକଡିଂ କରିବା ସହ ଏହାକୁ ଭାଇରାଲ କରିଛନ୍ତି। ତେବେ ଜଣେ ସରକାରୀ ଅଧିକାରୀ ଝିଅମାନଙ୍କୁ ଏଭଳି ବ୍ୟବହାର ପ୍ରଦର୍ଶନ କରିବା କେତେଦୂର ଯୁକ୍ତି ଯୁକ୍ତ ତାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।