କଣ୍ଟାବାଞ୍ଜି,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲାର କଣ୍ଟାବାଞ୍ଜି ଥାନା ଭିତରେ ଏକ ଗୋଷ୍ଠୀ ବିବାଦର ସମାଧାନ କରିବା ଲାଗି ଉଦ୍ୟମ କରୁଥିବା ବେଳେ ସେହି ଥାନାର ଜଣେ ପୁଲିସ୍ ଏସଆଇଙ୍କ ଉପରକୁ ଆକ୍ରମଣ କରାଯାଇଥିବା ଜଣାପଡ଼ିଛି।
ସୂଚନା ମୁତାବକ ଗତକାଲି କଣ୍ଟାବାଞ୍ଜି ସିପକାପଡ଼ାର ମନୋରଞ୍ଜନ ଓ ତାଙ୍କ ଭଉଣୀ ସାଧାରଣତନ୍ତ୍ର ଦିବସ କାର୍ୟ୍ୟକ୍ରମ ଦେଖିବା ନିମନ୍ତେ କଣ୍ଟାବାଞ୍ଜି ରେଲୱେ ଗ୍ରାଉଣ୍ଡକୁ ଯାଇଥିଲେ । ଏହି ସମୟରେ ମନୋରଞ୍ଜନଙ୍କର କିଛି ଯୁବକଙ୍କର ସହ କଥା କଟାକଟି ହେବାରୁ ସେମାନେ ତାଙ୍କୁ ଆକ୍ରମଣ କରିଥିଲେ। ମନୋରଞ୍ଜନ ଘଟଣା ସମ୍ପର୍କରେ ଅଭିଯୋଗ କରିବାକୁ କଣ୍ଟାବାଞ୍ଜି ଥାନାକୁ ଯାଇଥିଲେ। ସେଠାରେ ତାଙ୍କ ଭାଇ ବିଟୁ ପହଞ୍ଚି ଥାନା ଭିତରେ ତା ଉପରକୁ ଆକ୍ରମଣ କରିଥିଲା।
ଝଗଡ଼ା ସମୟରେ ପୁଲିସ ଏସଆଇଙ୍କ ଉପରକୁ ମଧ୍ୟ ଆକ୍ରମଣ ହୋଇଛି। ଏ ନେଇ ପୁଲିସ ସେମାନଙ୍କ ମଧ୍ୟରୁ ଜଣଙ୍କୁ ଅଟକ ରଖି ପଚରା ଉଚୁରା କରୁଛି।
