ପାଟଣାଗଡ଼: ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଖପ୍ରାଖୋଲ ହରିଶଙ୍କର ରାସ୍ତା ପ୍ରାଣୀ ଚିକିତ୍ସାଲୟ ସମ୍ମୁଖରେ ବେଆଇନ ଭାବେ ଚାଲାଣ ହେଉଥିବା ପେଟ୍ରୋଲ ଡିଜେଲ ବୋଝେଇ ଏକ ଟ୍ରକକୁ ଯୋଗାଣ ବିଭାଗ ଚଢ଼ଉ କରି ୨୪ ସହ ଲିଟର ଡିଜେଲ ଜବତ କରିବା ସହ ଏକ ଟ୍ରକ ଅଟକ ରଖିଥିବା ଜଣାପଡିଛି। ସୂଚନା ଅନୁସାରେ ବେଆଇନ ଭାବେ ଏକ ଟ୍ରକରେ ଡିଜେଲ ଓ ପେଟ୍ରୋଲ ଚାଲାଣ ହେଉଥିବା ଖବର ପାଇ ଖପ୍ରାଖୋଲ ଯୋଗାଣ ନିରୀକ୍ଷକ ବିକାଶ ଵାର୍ଲା ଟ୍ରକ୍ କୁ ଅଟକାଇ ପଚରା ଉଚରା କରିଥିଲେ।
ପଚରା ଉଚରା ସମୟରେ ବେଆଇନ ଭାବରେ ଗାଁ ଗାଁକୁ ବିକ୍ରି ପାଇଁ ସ୍ଥାନୀୟ ଦୋରା ପେଟ୍ରୋଲ ପମ୍ପରୁ ଚାଲାଣ ହେଉଥିବା ଜାଣିବାକୁ ପାଇବା ସହ ୨୪ ଶହ ଲିଟର ଡିଜେଲ ଜବତ କରିବା ସହ ଏକ ଟ୍ରକକୁ ମଧ୍ୟ ଜବତ କରି ଥାନା ରେ ଜିମା ଦେଇଥିବା ବ୍ଲକ୍ ଯୋଗାଣ ନିରୀକ୍ଷକ ଵାର୍ଲା ପ୍ରକାଶ କରିଛନ୍ତି। ଏନେଇ ପାଟଣାଗଡ ଉପ ଜିଲ୍ଲା ଯୋଗାଣ ଅଧିକାରୀ ମାୟାଧର ସାହୁଙ୍କୁ ପଚାରିବାରୁ ଜବତ୍ ଡିଜେଲକୁ ଅନ୍ୟ ଏକ ପେଟ୍ରୋଲ ପମ୍ପରେ ଜିମା ଦିଆଯାଇଥିବା ବେଳେ ଗାଡ଼ିକୁ ଥାନାରେ ଜିମା ଦିଆଯାଇଛି। ଏନେଇ ଜିଲ୍ଲାପାଳଙ୍କ କାର୍ଯ୍ୟାଳୟରେ ଏକ ମାମଲା ରୁଜୁ ସହ ଘଟଣାର ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
