ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ତହସିଲର ରାଜନଗର ଆରଆଇ ସର୍କଲ ବୈତରଣୀ ନଦୀର ରାଇକଳା ବାଲି ଘାଟରୁ ବେଆଇନ ବାଲି ଚୋରଚାଲାଣ ହେଉଥିଲା। ଏହି ସମୟରେ ତୁରୁମୁଙ୍ଗା ପୁଲିସ ଅଚାନକ ଚଢ଼ଉ କରି ୨ଟି ବାଲି ବୋଝେଇ ଟ୍ରାକ୍ଟରକୁ ଜବତ କରିଛି।
ପୂର୍ବରୁ ଲକଡାଉନର ସୁଯୋଗ ନେଇ ରାତି ସାରା ବାଲି ଚୋରା ଚାଲାଣ ହେଉଥିବା ଅଭିଯୋଗ ହୋଇ ଆସୁଥିଲା। ଆଜି ସକାଳୁ ତୁରୁମୁଙ୍ଗା ଥାନା ଅଧିକାରୀ ବରେନ୍ଦ୍ର ଶିଆଳ ରାଇକଳା ବାଲି ଘାଟରେ ଚଢ଼ଉ କରିଥିଲେ। ଏହି ସମୟରେ ୨ଟି ଟ୍ରାକ୍ଟରକୁ ଜବତ କରିଛି।
