ପୁଲିସ ଓ ଅବକାରୀ ବିଭାଗ ଦ୍ୱାରା ୧୩ କୋଟିର ଗଞ୍ଜେଇ ଗଛ ପୋଡ଼ାଗଲା

ବାଲିଗୁଡା,ଏନ୍ଏନ୍ଏସ୍: ବାଲିଗୁଡା ଥାନା ଅନ୍ତର୍ଗତ ବାଟାଗୁଡ଼ା ପଞ୍ଚାୟତର ବାଟାଗୁଡା, ତଗାକିଆ ଓ ମୁଥୁମିଲା ଜଙ୍ଗଲରୁ ପ୍ରାୟ ୧୩ଲକ୍ଷ ଗଞ୍ଜେଇ ଗଛ କଟାଯାଇଛି। ଯାହାର ଆନୁମାନିକ ମୂଲ୍ୟ ୧୩କୋଟି ଟଙ୍କା ହେବ ବୋଲି ପୁଲିସ ପକ୍ଷରୁ କୁହାଯାଇଛି। ପାହାଡରେ ଲାଗିଥିବା ଗଞ୍ଜେଇ ଗଛକୁ ଡ୍ରଗ ମାଫିଆମାନେ ବାଡ଼ ବାନ୍ଧି ରଖିଥିବା ଦେଖିବାକୁ ମିଳିଥିଲା।

ବାଲିଗୁଡା ଆଇଆଇସି ପ୍ରଶାନ୍ତ କୁମାର ବେହେରା, ଅବକାରୀ ବିଭାଗର ଇନ୍ସପେକ୍ଟର ମାଧବ କୋଶଲଙ୍କ ସମେତ ପୁଲିସ, ଅବକାରୀ ବିଭାଗ ଓ ସିଅରପିଏଫ୍ ଯବାନମାନେ ଉପସ୍ଥିତ ରହି ଗଞ୍ଜେଇ ଗଛ ସହ ସେଠାରେ ଥିବା କୁଡ଼ିଆ ଘର ସହ ଅନ୍ୟାନ୍ୟ ବ୍ୟବହୃତ ସାମଗ୍ରୀକୁ ପୋଡ଼ି ନଷ୍ଟ କରିଦେଇଥିବା ଜଣାପଡ଼ିଛି।