ନୂଆଦିଲ୍ଲୀ,ଏଜେନ୍ସି: UPI ନେଣଦେଣ ଉପରେ କୌଣସି ଟ୍ୟାକ୍ସ ନେବେନି କେନ୍ଦ୍ର ସରକାର । ୟୁନିଫାଏଡ ପେମେଣ୍ଟ ଇଣ୍ଟରଫେସ(Unified Payments Interface) ସର୍ଭିସ ଉପରେ କୌଣସି ଦେୟ ଲାଗୁ ହେବ ନାହିଁ ବୋଲି ରବିବାର ଅର୍ଥମନ୍ତ୍ରଣାଳୟ(Finance Ministry) ପକ୍ଷରୁ ସ୍ପଷ୍ଟ ହୋଇଛି । ଏହି ଡିଜିଟାଲ ପେମେଣ୍ଟ ଲୋକଙ୍କ ହିତ ଏବଂ ସୁବିଧାକୁ ଉତ୍ସାହିତ କରୁଥିବା ସରକାର କହିଛନ୍ତି ।
ଅର୍ଥମନ୍ତ୍ରଣାଳୟ ପକ୍ଷରୁ ଆହୁରି ମଧ୍ୟ କୁହାଯାଇଛି ଯେ, UPI ନେଣଦେଣ ଅର୍ଥନୀତି ପାଇଁ ଲାଭକାରୀ, ତେଣୁ ଏହି ସେବା ଉପରେ ଚାର୍ଜ ଲାଗୁ କରିବା ପାଇଁ ସରକାର କୌଣସି ବିଚାର କରୁନାହାନ୍ତି । ସରକାର ମଧ୍ୟ ଗତବର୍ଷ #DigitalPayment ଇକୋସିଷ୍ଟମ ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ ଏବଂ #DigitalPayments ଗ୍ରହଣ ଏବଂ ଆର୍ଥିକ ତଥା ଉପଭୋକ୍ତା ଅନୂକୁଳ ପେମେଣ୍ଟ ପ୍ଲାଟଫର୍ମର ପ୍ରୋତ୍ସାହନକୁ ଉତ୍ସାହିତ କରିବା ପାଇଁ ଚଳିତ ବର୍ଷ ମଧ୍ୟ ଘୋଷଣା କରିବେ ବୋଲି ଅର୍ଥମନ୍ତ୍ରଣାଳୟ ପକ୍ଷରୁ ଘୋଷଣା ହୋଇଛି ।
ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୁଲାଇରେ 6 ବିଲିୟନ ଅତିକ୍ରମ କରୁଥିବା UPI କାରବାରକୁ ପ୍ରଶଂସା କରିଥିଲେ । ମୋଦି ଟ୍ୱିଟ୍ କରି କହିଛନ୍ତି, “ଏହା ଏକ ଉଲ୍ଲେଖନୀୟ ସଫଳତା । ଏହା ନୂଆ ଟେକ୍ନୋଲୋଜି ଗ୍ରହଣ କରିବା ଏବଂ ଅର୍ଥବ୍ୟବସ୍ଥାକୁ ଅଧିକ ପରିଷ୍କାର କରିବା ପାଇଁ ଭାରତର ଲୋକଙ୍କ ସାମୂହିକ ସଂକଳ୍ପକୁ ସୂଚିତ କରେ । COVID-19 ମହାମାରୀ ସମୟରେ ଡିଜିଟାଲ୍ ଦେୟ ବିଶେଷ ସହାୟକ ହୋଇଥିଲା ।”
ଜୁଲାଇରୁ ଡିଜିଟାଲ୍ କାରବାର ସଂଖ୍ୟା ୨୦୧୬ ପରଠାରୁ ସର୍ବାଧିକ ଥିଲା । UPI ରିପୋର୍ଟ କରିଛି ଯେ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ ୬.୨୮ ବିଲିୟନ କାରବାର ୧୦.୬୨ ଟ୍ରିଲିୟନ ଟଙ୍କା ଅଟେ ।
ତେବେ କିଛିଦିନ ତଳେ UPI କାରବାର ଉପରେ ଦେୟ ଆଦାୟ କରାଯିବା ନେଇ ସରକାର ଯୋଜନା ପ୍ରସ୍ତୁତ କରୁଥିବା ନେଇ ଚର୍ଚ୍ଚା ହୋଇଥିଲା । ଏଥିପାଇଁ ରିଜର୍ଭ ବ୍ୟାଙ୍କ ବିଭିନ୍ନ ପକ୍ଷ ଯେପରିକି ବ୍ୟାଙ୍କ, ଏନପିସିଆଇ, ପେମେଣ୍ଟ ବ୍ୟାଙ୍କ, ଗ୍ରାହକ ଇତ୍ୟାଦିଙ୍କୁ ମତାମତ ଦେବାକୁ ମଧ୍ୟ କହିଥିଲେ । ଗତ ୧୭ ତାରିଖରେ ଡିଜିଟାଲ ପେମେଣ୍ଟ ସିଷ୍ଟମ ସମ୍ପର୍କରେ ରିଜର୍ଭ ବ୍ୟାଙ୍କ ପକ୍ଷରୁ ଜାରି ଆଲୋଚନା ପତ୍ରରେ ମତାମତ ଦେବାକୁ ଆହ୍ବାନ କରିଥିଲେ । ଆସନ୍ତା ଅକ୍ଟୋବର ୩ ସୁଦ୍ଧା ମତାମତ ରଖିବାକୁ କହିଥିଲା ରିଜର୍ଭ ବ୍ୟାଙ୍କ । ଏହା ଗ୍ରାହକମାନଙ୍କୁ ଏକପ୍ରକାର ଚିନ୍ତାରେ ପକାଇ ଦେଇଥିଲା । ମାତ୍ର କେନ୍ଦ୍ର ସରକାର UPI ନେଣଦେଣ ଉପରେ କୌଣସି ଦେୟ ଆଦାୟ ହେବ ନାହିଁ ବୋଲି ୨୧ ଅଗଷ୍ଟରେ ସ୍ପଷ୍ଟ କରିଛନ୍ତି । ଏଥିସହ ଏହି #DigitalPayment ଇକୋସିଷ୍ଟମ ଆର୍ଥିକ ସହାୟତା ପ୍ରଦାନ କରୁଥିବାରୁ ପ୍ରଶଂସା କରିଛନ୍ତି ।
