ପାଟଣା,ଏନ୍ଏନ୍ଏସ୍ : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଡେଣୁଆଁ ଗ୍ରାମରେ ଆଜି ସନ୍ଧ୍ୟାରେ ଜଣେ ନାବାଳକ ଶ୍ରମିକ ଉପରେ ଟ୍ରାକ୍ଟର ଚଢି ଯିବା ଫଳରେ ଘଟଣା ସ୍ଥଳରେ ନାବାଳକ ଶ୍ରମିକର ମୃତ୍ୟୁ ଘଟିଛି । ମୃତ ନାବାଳକ ହେଲେ ଗ୍ରାମର ଶଶୀଭୁଷଣ ମୁଣ୍ଡାଙ୍କ ପୁଅ ଭୀମସେନ ମୁଣ୍ଡା । ସେ ଗ୍ରାମର କପିଳ ମହାନ୍ତଙ୍କ ଟ୍ରାକ୍ଟରରେ ଶ୍ରମିକ ଭାବରେ କାମ କରୁଥିଲେ । ଆଜି ଟ୍ରାକ୍ଟରରେ ଯାଉଥିବା ସମୟରେ ଟ୍ରାକ୍ଟରରୁ ଖସି ପଡ଼ିଥିଲେ ପରେ ଟ୍ରାକ୍ଟରର ଚକା ତା ଉପରେ ଚଢିଯାଇଥିଲା । ଘଟଣା ସ୍ଥଳରେ ହିଁ ତାର ମୃତ୍ୟୁ ଘଟିଥିଲା ।
ଖବର ପାଇ ଘଟଣାସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରାକ୍ଟରକୁ ଜବତ କରି ଏକ ମାମଲା ରୁଜୁ କରିଛି । ତେବେ ରାଜ୍ୟରେ ନାବାଳକ ଶ୍ରମିକ ଉପରେ କଟକଣା ଥିଲେ ମଧ୍ୟ କିପରି ଟ୍ରାକ୍ଟର ମାଲିକ ନାବାଳକ ଶ୍ରମିକକୁ ଟ୍ରାକ୍ଟରରେ ଶ୍ରମିକ ଭାବରେ ନିୟୋଜିତ କରାଇ ଥିଲେ ତାହା ତଦନ୍ତ କରି ଶିଶୁ ଶ୍ରମିକ ଆଇନ ଅନୁଯାୟୀ ଟ୍ରାକ୍ଟର ମାଲିକଙ୍କ ଉପରେ ଦୃଢ଼ କାର୍ୟ୍ୟାନୁଷ୍ଠାନ ନେବା ପାଇଁ ମୃତ ନାବଳକର ପରିବାର ଲୋକେ ଦାବି କରିଛନ୍ତି ।
