ନୟାଗଡ଼, ଏନ୍ଏନ୍ଏସ୍ : ନୟାଗଡ଼ ଜିଲ୍ଲା ରଣପୁର ଜେଏମଏଫସି କୋର୍ଟ ପରିସରରୁ ଆଜି ଏକ ବିରଳ ଧଳାପେଚାକୁ ଉଦ୍ଧାର କରାଯାଇଛି । କୋର୍ଟ ପରିସରରେ ଲୋକମାନେ ଆହାତ ଅବସ୍ଥାରେ ପେଚାଟିକୁ ଦେଖିବାକୁ ପାଇଥିଲେ । ଏନେଇ ସ୍ନେକ ହେଲ୍ପ ଲାଇନ ସଦସ୍ୟ ଅଜୟ କୁମାର ଦାଶଙ୍କୁ ଖବର ଦେବାରେ ସେ ପେଚାଟିକୁ ଉଦ୍ଧାର କରିଥିଲେ । ଉଦ୍ଧାର ସମୟରେ ପେଚାଟିର ଅବସ୍ଥା ଖରାପ ଥିବାରୁ ତାକୁ ବନବିଭାଗକୁ ହସ୍ତାନ୍ତର କରାଯାଇଛି । ଚିକିତ୍ସା ପରେ ପେଚାଟିକୁ ଅଭ୍ୟାରଣ୍ୟରେ ଛଡ଼ାଯିବ ବୋଲି ସୂଚନା ମିଳିଛି ।
