କେସିଙ୍ଗା ବନ ଅଧିକାରୀଙ୍କ ବାସଗୃହ ଓ କାର୍ଯ୍ୟାଳୟରେ ଭିଜିଲାନ୍ସର ରେଡ୍

କଳାହାଣ୍ଡି,ଏନ୍ଏନ୍ଏସ୍: କେସିଙ୍ଗା ବନ ଅଧିକାରୀ ଦୀନବନ୍ଧୁ ମେହେରଙ୍କ ବଲାଙ୍ଗିର ସ୍ଥିତ ଘର ଏବଂ କେସିଙ୍ଗାସ୍ଥିତ କାର୍ଯ୍ୟଳୟ ଓ ସରକାରୀ ବାସଭବନରେ ଆଜି ଭୋରରୁ ଭିଜିଲାନ୍ସ ବିଭାଗ ଚଢ଼ଉ କରିଛି। ତେବେ ଆୟବର୍ହିଭୂତ ସମ୍ପତି ଠୁଳ ଅଭିଯୋଗରେ ଏହି ଚଢ଼ଉ କରାଯାଇଥିବା ଜଣାପଡ଼ିଛି। ବଲାଙ୍ଗିରରୁ ଶ୍ରୀ ମେହେରଙ୍କୁ ଭିଜିଲାନ୍ସ ବିଭାଗ କେସିଙ୍ଗା ଆଣି ତାଙ୍କ କାର୍ଯ୍ୟଳୟ ଓ ସରକାରୀ ବାସଭବନର ଖାନ ତଲାସ କରିଥିବା ଜଣାଯାଇଛି।

ଏହି ଚଢ଼ଉରେ ବରଗଡ଼ ଭିଜିଲାନ୍ସ ଡିଏସ୍ପି ବିରେନ୍ଦ୍ର କୁମାର ନାଏକ, ବଲାଙ୍ଗିର ଇନ୍ସପେକ୍ଟର ସଦାନନ୍ଦ ପାଣି, ଭବାନୀପାଟଣାର ଶୁଶାନ୍ତ କୁମାର ପଟ୍ଟନାୟକ, ପ୍ରକାଶ ବେହେରା ସମେତ ଅନ୍ୟମାନେ ସାମିଲ ଅଛନ୍ତି। ଏ ସମ୍ପର୍କରେ ଶୀ ମେହେରଙ୍କୁ ପଚାରିବାରୁ ଗତ କିଛିଦିନ ତଳେ ପୁଲିସ ଭ୍ୟାନରେ କାଠ ଚୋରାରେ ଚାଲାଣ ହେଉଥିବା ବେଳେ ମୁଁ ଧରିଥିଲି।

ତେଣୁ ମତେ ହଇରାଣ କରିବାକୁ ଏଭଳି କରାଯାଇଥିବା ସେ ନିଜ ପ୍ରତିକ୍ରିୟାରେ କହିଛନ୍ତି।