ଜୁଆ ଆଡ୍ଡାରେ ବାଲିଗୁଡ଼ା ପୁଲିସର ଚଢ଼ଉ, ୬ ଗିରଫ

ବାଲିଗୁଡ଼ା,ଏନ୍ଏନ୍ଏସ୍: ଲକଡାଉନ୍ ବେଳେ କନ୍ଧମାଳ ଜିଲ୍ଲା ବାଲିଗୁଡ଼ା ପଲିସ ମହାସିଙ୍ଗି ପଞ୍ଚାୟତ ଲିମାର ପଦର ଗ୍ରାମ ଜୁଆ ଆଡ୍ଡାରେ ଚଢ଼ଉ କରିଛି। ଏଥିରେ ୬ଜଣ ଜୁଆଡ଼ିକୁ ଗିରଫ କରି କୋର୍ଟ ଚାଲାଣ କରିଛି।

ବାଲିଗୁଡ଼ା ପୁଲିସ ସେମାନଙ୍କ ନିକଟରୁ ନଗଧ ୪୧୭୦ ଟଙ୍କା ସହ ୪ଟି ମୋଟରସାଇକେଲ, ଗୋଟିଏ ସାଇକେଲ ଓ ୪ଟି ମୋବାଇଲ୍ ଫୋନ୍ ଜବତ କରିଛି।

ମହାମାରୀ କରୋନାକୁ ନେଇ ସାରାଦେଶରେ ଲକଡାଉନ୍ ଜାରି କରାଯାଇ ଥିବା ବେଳେ ବିନା କାରଣରେ ଘରୁ ବାହାରକୁ ନବାହାରିବା ସହ ସାମାଜିକ ଦୂରତା ରଖିବାପାଇଁ ଜନସାଧାରଣଙ୍କୁ ପ୍ରଶାସନ ତରଫରୁ ସଚେତନତା କରାଯାଉଛି ।
ଏଭଳି ସ୍ଥିତିରେ ବାଲିଗୁଡ଼ା ଥାନା ମହାସିଙ୍ଗି ଅଞ୍ଚଳର କିଛି ଅମାନିଆ ଏକାଠି ହୋଇ ଜୁଆ ଖେଳୁଥିବା ଖବରପାଇ ଚଢ଼ଉ କରି ସେମାନଙ୍କ ବିରୋଧରେ ଦଫା ୬୯/୨୦୨୦ରେ ଏକ ମାମଲା ରୁଜୁ କରି ଗିରଫ କରାଯାଇଥିବା ବାଲିଗୁଡ଼ା ଆଇଆଇସି ପ୍ରଶାନ୍ତ କୁମାର ବେହେରା ସୂଚନା ଦେଇଛନ୍ତି।