ପାଟଣା,ଏନ୍ଏନ୍ଏସ୍ : କାଳବୈଶାଖୀ ପ୍ରଭାବରେ କେନ୍ଦୁଝର ଜିଲ୍ଲା ସାହାରପଡା ବ୍ଲକ ମାଛଗଡ଼ ଅଞ୍ଚଳରେ ଶୁକ୍ରବାର ଅପରାହ୍ଣରେ ବର୍ଷା ପବନ ସାଙ୍ଗକୁ କୁଆ ପଥର ମାଡ ଯୋଗୁ ବ୍ୟାପକ କ୍ଷୟକ୍ଷତି ହୋଇଛି। ବର୍ଷା ପବନ ସାଙ୍ଗକୁ କୁଆପଥର ମାଡ଼ରେ ଅନେକ ଗଛ ଉପୁଡୁ ପଡ଼ିଛି । ମାଛଗଡ଼ ରାଜୀବ ଗାନ୍ଧୀ କେନ୍ଦ୍ର ସମ୍ମୁଖରେ ଥିବା ଏକ ବିରାଟ ଶାଳ ଗଛ ଉପୁଡ଼ି ପଡ଼ିବା ଫଳରେ କିଛି ଲୋକ ଅଳ୍ପକେ ବର୍ତ୍ତି ଯାଇଛନ୍ତି। ସେହିପରି ବାଉଁଶନାଳି ଗ୍ରାମରେ ରିଣୁ ମୁଣ୍ଡାଙ୍କ ଘର ଉପରେ ଏକ ଉପରେ ଶାଳଗଛ ପଡ଼ି ଯିବାରୁ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି । ଅନେକ ଲୋକଙ୍କ ଘରର ଛପର ମଧ୍ୟ ଉଡିଯାଇଥିବା ସୂଚନା ମିଳିଛି। ମାଛଗଡ଼ ଅଞ୍ଚଳରେ କୁଆପଥର ମାଡରେ ଅନେକ ପନିପରିବା ଚାଷ ମଧ୍ୟ ନଷ୍ଟ ହୋଇଛି। ଏ ସମ୍ପର୍କରେ ସାହାରପଡ଼ା ତହସିଲଦାର ଲମ୍ବୋଦର ଖୁଣ୍ଟିଆ ଖୁବ ଶୀଘ୍ର ଲୋକଙ୍କୁ ସରକାରୀ ସହାୟତା ଯୋଗାଇ ଦେବାକୁ କ୍ଷତି ଗ୍ରସ୍ତ ଲୋକଙ୍କୁ ପ୍ରତିଶ୍ରୁତି ଦେଇଛନ୍ତି।
