ଗାନ୍ଧୀନଗର,ଏଜେନ୍ସି: ଗୁଜୁରାଟରେ ଗରବା କଲେ ଗୋଲ୍ଡେନ୍ ବୟ ନୀରଜ ଚୋପ୍ରା । ଭଦୋଦରାରେ ଚାଲିଥିବା ନବରାତ୍ରୀରେ ଯୋଗ ଦେଲେ ଅଲମ୍ପିକ ପଦକ ବିଜେତା ନୀରଜ ଚୋପ୍ରା । ନବରାତ୍ରୀ କାର୍ଯ୍ୟକ୍ରମରେ ଯୋଗ ଦେଇ ଗରବା ନୃତ୍ୟ କରିଛନ୍ତି ନୀରଜ । ଗରବା ଗୀତର ତାଳେ ତାଳେ ନୀରଜ ଝୁମୁଥିବା ଦେଖିବାକୁ ମିଳିଥିଲା । ନୀରଜଙ୍କୁ ସେଠାରେ ଉପସ୍ଥିତ ଥିବା ଅନ୍ୟ ବ୍ୟକ୍ତି ବିଶେଷଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା ।
ପ୍ରଥମ ଥର ପାଇଁ ଏଭଳି ଏକ କାର୍ଯ୍ୟକ୍ରମରେ ଯୋଗ ଦେଇ ଖୁସିବ୍ୟକ୍ତ କରିଛନ୍ତି ନୀରଜ । ଟୋକିଓ ଅଲମ୍ପିକରେ ସ୍ବର୍ଣ୍ଣ ପଦକ ଜିତି ଦେଶ ପାଇଁ ଗୌରବ ଆଣିଥିଲେ ନୀରଜ । ଦେଶ କ୍ରୀଡ଼଼ାବିତ୍ଙ୍କୁ ପଦକ ଜିତି ଦେଶ ଓ ରାଜ୍ୟ ପାଇଁ ଗୌରବ ଆଣିବାକୁ ସେ ଉତ୍ସାହିତ କରିଛନ୍ତି ।
