ପାନ ମସଲା ଦୋକାନରେ ଚଢ଼ଉ, ପ୍ରାୟ ୫ ଲକ୍ଷ ମୂଲ୍ୟର ପାନ ମସଲା ଜବତ

ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା ଗାନ୍ଧିଛକ ନିକଟରେ ଥିବା ପ୍ରୀତି ପାନ ମସଲା ଦୋକାନକୁ ବ୍ରଜରାଜନଗର ପୁଲିସ ଚଢ଼ଉ କରିଛି। ଦୋକାନରେ ବ୍ୟାପକ ପରିମାଣର ପାନ ମସଲା ସାମଗ୍ରୀ ରଖି ଦୋକାନ ମାଲିକ ପଦ୍ମଲୋଚନ ବୁଧିଆ ଚଢ଼ା ଦରରେ ଖୁଚୁରା ଦୋକାନୀଙ୍କୁ ବିକ୍ରି କରୁଥିବା ଖବର ମିଳିବା ପରେ ପୁଲିସ ପକ୍ଷରୁ ଚଢ଼ଉ କରାଯାଇଥିଲା। ପରେ ଝାରସୁଗୁଡା ଜିଲ୍ଲା ଯୋଗାଣ ଅଧିକାରୀ ଘଟଣାସ୍ଥଳରେ ପହଁଚି ଯାଞ୍ଚ ଆରମ୍ଭ କରି ଜବତ ପାନ ମସଲାର ମୂଲ୍ୟ ୫ ଲକ୍ଷରୁ ଊଦ୍ଧ୍ୱର୍ ବୋଲି କହିଛନ୍ତି।

ତେବେ ଯୋଗାଣ ଅଧିକାରୀଙ୍କ ତଦନ୍ତ ପରେ ଆଇନ ଅନୁସାରେ ଦୋକାନ ମାଲିକ ଉପରେ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ବ୍ରଜରାଜନଗର ଥାନା ଅଧିକାରୀ ଲଳିତା ମୋଦୀ କହିଛନ୍ତି।