ବରଗଡ଼,ଏନ୍ଏନ୍ଏସ୍: ଲଗାଣବର୍ଷା ଯୋଗୁଁ ବରଗଡ଼ ସଦର ବ୍ଲକ୍ ବରଡୋଲ ପଞ୍ଚାୟତ ଡାଙ୍ଗ ନଦୀପଡାର ପ୍ରାୟ ୭ / ୮ ଟି ମାଟି ଘର ଭାଙ୍ଗି ଯାଇଥିବା ଦେଖିବାକୁ ମିଳିଛି। ଫଳରେ ଗୃହଶୂନ୍ୟ ହୋଇପଡିଥିବା ପରିବାର ଏବେ ପଡୋଶୀ ଓ ସମ୍ପର୍କୀୟଙ୍କ ଘରେ ଆଶ୍ରୟ ନେଇଛନ୍ତି। ଡାଙ୍ଗ ନଦୀପଡାର ଦୟାନିଧି ସାହୁ, ସୁରୁ ଭୁଏ, ଶକୁନ୍ତଲା ନାଗ, ଶିବ ତରାଇ, ସଞ୍ଜିବ ଜାଲ, ଦୁଷ୍ମନ୍ତ ଭୁଏ, ଶାରଦା ରାଉତ, ପରମେଶ୍ୱର ବେହେରାଙ୍କ ସମେତ ବହୁ ଗ୍ରାମବାସୀଙ୍କ ଘର ଭାଙ୍ଗି ଯାଇଛି। ସମ୍ପୃକ୍ତ ପରିବାରଙ୍କୁ ସରକାରୀ ଯୋଜନାରେ ସାମିଲ କରି ଘର ଖଣ୍ଡିଏ ଯୋଗାଇଦେବାକୁ ଦାବି ହୋଇଛି।
