ଝାରସୁଗୁଡା,ଏନ୍ଏନ୍ଏସ୍ : ପ୍ରବଳ ଘଡଘଡି ଓ ବଜ୍ରପାତାରେ ଯୋଗୁଁ ଆଜି ଝାରସୁଗୁଡା ଜିଲ୍ଲା ଲଇକେରା ବ୍ଲକ ଗମ୍ଭାରିଗୁଡା ଗ୍ରାମରେ ଜଣେ ବ୍ୟକ୍ତି ପ୍ରାଣ ହରାଇଛି। ମୃତ ବ୍ୟକ୍ତି ଜଣକ ପରୀକ୍ଷିତ ଭଏଁଷା(୨୭) ବୋଲି ଜଣା ପଡିଛି। ସେହିପରି ଲଇକେରା ବ୍ଲକର କୁଳେମୁରା ଗ୍ରାମର ସୁପ୍ରିୟା ରୋହିଦାସ, ମୁକ୍ତା ରୋହିଦାସ ଓ ଗମ୍ଭାରୀଗୁଡା ଗ୍ରାମର ବର୍ଷା ବେହେରା ଗୁରୁତର ଆହତ ହୋଇଛନ୍ତି । ଆହତ ମହିଳାମାନଙ୍କୁ ମୁନ୍ଦ୍ରାଜୋର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି । ସେହିପରି କୁଳେମୁଳା ଗ୍ରାମର ଏକ ଗଛମୁଳେ ବନ୍ଧା ହୋଇଥିବା ୧୨ଟି ଗାଈ ମଧ୍ୟ ବଜ୍ରପାତରେ ପ୍ରାଣ ହରାଇଛନ୍ତି । ମୃତକ ଓ ଗୁରୁତର ପରିବାରଙ୍କୁ ସରକାରୀ ସହାୟତା ଯୋଗାଇ ଦିଆଯାଉ ବୋଲି ଗ୍ରାମବାସୀ ଦାବି କରିଛନ୍ତି । ଅନ୍ୟପଟେ ଗତକାଲି ଏବଂ ଆଜି ହୋଇଥିବା ବଜ୍ରପାତ ତଥା ବର୍ଷାରେ ଜିଲ୍ଲାରେ ଧନ ଜୀବନ ଓ ବ୍ୟାପକ ଫସଲ ହାନୀ ହୋଇଥିବା ଜଣାପଡିଛି।
