ଝାରସୁଗୁଡ଼ା,ଏନ୍ଏନ୍ଏସ୍: ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ନାବାଳକ ଗରୁତର ଆହତ ହୋଇଥିବା ଜଣାପଡ଼ିଛି। ଆହତ ନାବାଳକ ଜଣଙ୍କ ଝାରସୁଗୁଡ଼ା ଜିଲ୍ଲା ପିିଥିଣ୍ଡା ପଞ୍ଚାୟତ ଭଦ୍ରାପାଲି ଗ୍ରାମର ନେତ୍ର ଚାନ୍ଦଙ୍କ ପୁଅ ମୁକେଶ ଚାନ୍ଦ(୧୨)। ଗୁରୁତର ଅବସ୍ଥାରେ ଗ୍ରାମବାସୀ ମୁକେଶଙ୍କୁ ପ୍ରଥମେ ଚାଣ୍ଟିପାଲି ପ୍ରାଥମିକ ଚିକିତ୍ସାଳୟ ଓ ପରେ ଲଖନପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନେଇଥିବା ବେଳେ ସେଠାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ବର୍ତ୍ତମାନ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି।
ସୂଚନା ଅନୁଯାୟୀ, ନାବାଳକ ଜଣଙ୍କ ଗାଁ’ରେ ସାଙ୍ଗମାନଙ୍କ ସହ ଖେଳୁଥିବା ସମୟରେ ଏକ ଗଛକୁ ଚଢ଼ିଯାଇଥିଲେ। ସେହି ସମୟରେ ଗଛର ଉପର ଦେଇଯାଇଥିବା ଏକ ବିଦ୍ୟୁତ୍ ତାର ସଂସ୍ପର୍ଶରେ ଆସିଯାଇଥିଲେ। ଫଳରେ ତାଙ୍କର ହାତ ଓ ପାଦ ପାଟି ଯିବା ସହ ସେ ଗଛରୁ ତଳକୁ ପଡିଯାଇଥିଲେ। ପରେ ଗ୍ରାମବାସୀ ଓ ଦାଦା ମୁକେଶଙ୍କୁ ଚିକିତ୍ସାଳୟକୁ ନେଇଥିଲେ।
