ନୂଆଦିଲ୍ଲୀ,ଏଜେନ୍ସି: ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଆୱାର୍ଡରେ ଏହି ଦଶନ୍ଧିର ସର୍ବୋତ୍ତମ ଟେଷ୍ଟ ଦଳ ଚୟନ ହୋଇଛି। ସେଥିରେ ଭାରତର ଦୁଇ କିମ୍ବଦନ୍ତୀ ଖେଳାଳି ବିରାଟ କୋହଲି ଏବଂ ଆର ଅଶ୍ୱିନ୍ ସ୍ଥାନ ପାଇଛନ୍ତି। ଏହି ଦଳର ଅଧିନାୟକ ବିରାଟ କୋହଲିଙ୍କୁ ହସ୍ତାନ୍ତର କରାଯାଇଛି। ଟେଷ୍ଟ ଦଳରେ ଇଂଲଣ୍ଡର ସର୍ବାଧିକ ଚାରି ଖେଳାଳି ଅଛନ୍ତି।
ଅଷ୍ଟ୍ରେଲିଆ, ଭାରତର ଦୁଇଜଣ ଖେଳାଳି, ଶ୍ରୀଲଙ୍କା, ଦକ୍ଷିଣ ଆଫ୍ରିକା ଏବଂ ନ୍ୟୁଜିଲ୍ୟାଣ୍ଡର ଖେଳାଳି ସଫଳତାର ସହ ସ୍ଥାନିତ ହୋଇଛନ୍ତି। ଆଇସିସିର ଏହି ଟେଷ୍ଟ ଦଳରେ ଦୁଇ ବାମହାତୀ ବ୍ୟାଟ୍ସମ୍ୟାନ୍ ଆଲାଷ୍ଟାୟର୍ କୁକ୍ ଏବଂ ଡେଭିଡ ୱାର୍ଣ୍ଣରଙ୍କୁ ଓପନର ଭାବେ ଚୟନ କରାଯାଇଛି। କେନ୍ ୱିଲିୟମସନ, ବିରାଟ କୋହଲି ଏବଂ ଷ୍ଟିଭ ସ୍ମିଥ ମଧ୍ୟମ ଅର୍ଡର ରହିଛନ୍ତି। ଦଳରେ ୱିକେଟ୍ କିପର କୁମାର ସାଙ୍ଗାକାରା ରହିବେ।
ଛଅ ଜଣ ବ୍ୟାଟ୍ସମ୍ୟାନଙ୍କ ବ୍ୟତୀତ ବେନ୍ ଷ୍ଟୋକ୍ସ ଅଲରାଉଣ୍ଡର ଭାବରେ ସ୍ଥାନ ପାଇଛନ୍ତି। ଭାରତର ଆର ଅଶ୍ୱିନ୍ ଦଳର ଏକମାତ୍ର ସ୍ପିନର। ଫାଷ୍ଟ ବୋଲିଂରେ କହିବାକୁ ଗଲେ ଡେଲ ଷ୍ଟେନ, ଜେମ୍ସ ଆଣ୍ଡରସନ ଏବଂ ଷ୍ଟୁଆର୍ଟ ବ୍ରଡଙ୍କୁ ଚୟନ କରିଛି। ବିଶେଷତଃ କୌଣସି ବାମହାତୀ ଦ୍ରୁତ ବୋଲର ଏବଂ ସ୍ପିନର ଏହି ଦଳରେ ସ୍ଥାନ ପାଇନାହାନ୍ତି।
