ବର୍ଷାରେ ଭାଙ୍ଗିଲା ଘର, ଧୋଇ ହେଲା ରାସ୍ତା

ଝାରସୁଗୁଡା,ଏନ୍ଏନ୍ଏସ୍: ପ୍ରବଳ ବର୍ଷାରେ ଝାରସୁଗୁଡା ଜିଲ୍ଲା ବେହାଲ ହୋଇପଡିଛି। ଝାରୁସୁଗୁଡ଼ାର ସହର ତଳି ଅଞ୍ଚଳରେ ଗତକାଲି ରାତିରୁ ବର୍ଷା ପାଣି ପଶି ଥିବାବେଳେ ବ୍ରଜରାନଗର ଅଞ୍ଚଳରେ ରାସ୍ତା ଧସି ଯାଇଛି। ଫଳରେ ୱାର୍ଡ ଲମଟିବାହାଲ ଓ ରୋହିଦାସ ପଡା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇପଡିଛି। ସେହିପରି ବେଲପାହାଡ ଅଞ୍ଚଳରେ ଅନେକ ଘର ଭାଙ୍ଗିଯାଇଛି।

ବେଲପାହାଡ ଜାମକାନୀର ସୁଷମା ନାଗ, ଯୋଗେଶ୍ୱର ସାହୁ, ରାମ ପିଙ୍ଗ, ନୁଆଁପଡାର ଆଶା ଦେବି, ଛୁଆଲିବେର୍ଣ୍ଣାର ସ୍ମୃତି ନାୟକ ପ୍ରମୁଖଙ୍କ ଘର ଭାଙ୍ଗିଛି। ତାଙ୍କ ପାଖରେ ଏବେ ମୁଣ୍ଡ ଗୁଞ୍ଜିବା ପାଇଁ ଘର ନଥିବାରୁ ଶୀଘ୍ର ପ୍ରଶସାନ ସହଯୋଗ କରନ୍ତୁ ବୋଲି ଦାବି କରିଛନ୍ତି। ଏନେଇ ବେଲପାହାଡ ଆରଆଇ ଅକ୍ଷୟ ପାଣ୍ଡେଙ୍କୁ ପଚାରିବାରୁ କହିଛନ୍ତି ଘର ଭାଙ୍ଗିଥିବା ପ୍ରତ୍ୟେକ ବ୍ୟକ୍ତିଙ୍କ ଘରକୁ ପରିଦର୍ଶନ କରି କ୍ଷତି ଆକଳନ କରିବାସହ ଜିଲ୍ଲା ପ୍ରଶାସନ ପାଖକୁ ରିର୍ପୋଟ ପଠାଯାଇଛି। କ୍ଷତିପୂରଣ ମିଳିବା ପର୍ଯ୍ୟନ୍ତ ସେମାନଙ୍କୁ ପଲିଥିନ ଯୋଗାଇ ଦିଆଯାଇଛି ।