ନବରଙ୍ଗପୁର,ଏନ୍ଏନ୍ଏସ୍: ନବରଙ୍ଗପୁର ଜିଲ୍ଲାରେ ଗତ କିଛିଦିନ ହେଲା ବର୍ଷା ଲାଗିରହିଛି। ଏହି ବର୍ଷାରେ ପଡ଼ାଲଗୁଡା ଗ୍ରାମର ରାମିଲା ହରିଜନଙ୍କ ଘର ଭାଙ୍ଗି ଯାଇଥିବା ଖବର ପାଇ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ଏବଂ ସାଂସଦ ପ୍ରତିନିଧି ସୁନୀଲ ସାହୁ ଘଟଣାସ୍ଥଳ ପରିଦର୍ଶନ କରି ଅସୁବିଧା ବୁଝିବା ସହ ସହାୟତାର ହାତ ବଢାଇଛନ୍ତି। ରାମିଲାଙ୍କୁ ୫୦ କେଜି ଚାଉଳ, ରେସନ ସାମଗ୍ରୀ ଓ ପଲିଥିନ ଯୋଗାଇଦେଇଥିଲେ। ସେହିପରି ନବରଙ୍ଗପୁର ଭାଟିଲାଳଗୁଡାର ୧୬ ନଂ ୱାର୍ଡର ନରସିଂହ ସାନ୍ତାଙ୍କ ଘର ବର୍ଷା ଯୋଗୁଁ ଭୁଶୁଡ଼ି ପଡିଥିବାରୁ ବିଧାୟକ ସଦାଶିବ ପ୍ରଧାନୀ, ପୂର୍ବତନ ନଗରପାଳ ଅର୍ଜୁନ ତ୍ରିପାଠୀ, ବରିଷ୍ଠ ନେତା ସୁନୀଲ ସାହୁ ପ୍ରମୁଖ ତାଙ୍କ ଘରକୁ ଯାଇ ଚାଉଳ, ଡାଲି, ତେଲ, ଆଳୁ ଓ ପଲିଥିନ ପ୍ରଦାନ କରିଥିଲେ।
