ନୂଆଦିଲ୍ଲୀ,ଏଜେନ୍ସି: ପୁନେ-ବେଙ୍ଗାଲୁରୁ ଜାତୀୟ ରାଜପଥରେ ରବିବାର ରାତିରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୪୮ଟି ଗାଡ଼ି କ୍ଷତିଗ୍ରସ୍ତ ହୋଇଛି ଏବଂ ଏଥିରେ ପ୍ରାୟ ୫୦ରୁ ଅଧିକ ଜଣ ଆହତ ହୋଇଛନ୍ତି। ଏଥିମଧ୍ୟରୁ ଅନେକ ଗମ୍ଭୀର ବୋଲି କୁହାଯାଏ। ଏକସଂଗରେ ସବୁଗାଡ଼ି ମଧ୍ୟରେ ଧକ୍କା ହୋଇଥିଲା ଏବଂ ଏହି ଭୟାନକ ଦୁର୍ଘଟଣା ପରେ ଘଟଣାସ୍ଥଳରେ ଲୋକଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା। ଦୁର୍ଘଟଣାସ୍ଥଳରେ ହାହାକାର ପରିସ୍ଥିତି ଉପୁଜିଥିଲା। ଘଟଣାର ସୂଚନା ମିଳିବା ମାତ୍ରେ ପୋଲିସ୍ ଏବଂ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଚଳାଇଛନ୍ତି।
ସୂଚନା ଅନୁସାରେ ରବିବାର ବିଳମ୍ବିତ ରାତିରେ ଏହା ଘଟିଥିଲା କଣ୍ଟେନର ବ୍ରିଜ ନିକଟରେ ପୋଲ ତଳକୁ ଓହ୍ଲାଇ ଆସୁଥିବା ବେଳେ ଦ୍ରୁତ ଗତିରେ ଆସୁଥିବା ଗାଡିଗୁଡ଼ିକୁ ଧକ୍କା ଦେଇଥିଲା। ପୋଲିସର ସୂଚନାନୁସାରେ, ଦୁର୍ଘଟଣାର କାରଣ କଣ୍ଟେନରର ବ୍ରେକ୍ ବିଫଳ ହୋଇଥିବା କୁହାଯାଉଛି। ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଘଟଣାସ୍ଥଳରେ ଉଦ୍ଧାର କାର୍ଯ୍ୟରେ ଅଗ୍ନିଶମ ବିଭାଗର କର୍ମଚାରୀ, ପୋଲିସ କର୍ମଚାରୀ ଏବଂ ଯାତ୍ରୀମାନେ ସମ୍ପୃକ୍ତ ଥିଲେ। ଆହତମାନଙ୍କୁ ଦୁଇଟି ଡାକ୍ତରଖାନାରେ ଚିକିତ୍ସା କରାଯାଉଛି। ପୁନେର ନଭାଲେ ସେତୁ ଅଞ୍ଚଳରେ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣା ପରେ ନଭାଲେ ସେତୁ ଦେଇ ଯାନ ଚଳାଚଳ ବନ୍ଦ ରହିଛି । କ୍ଷତିଗ୍ରସ୍ତ କାର୍ଗୁଡ଼ିକୁ କ୍ରେନ୍ ସହାୟତାରେ ବାହାର କରାଯାଉଛି ।
ତେବେ ଆହତଙ୍କ ବିଷୟରେ ଏ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ଜଣା ପଡିନି। ବ୍ରେକ ବିଫଳତା କାରଣରୁ ଡ୍ରାଇଭର ଟ୍ରକକୁ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି। ଅଗ୍ନିଶମ ବିଭାଗର ଦୁଇଟି ଗାଡି ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚଳାଇଛନ୍ତି। ଭିଡକୁ ନିୟନ୍ତ୍ରଣ କରିବାକୁ ଚେଷ୍ଟା କରାଯାଉଛି। ଗତ ଦିନରେ ପୁଣେର ଜ୍ଞାନ ପ୍ରବୋଧନୀ ସ୍କୁଲର ବସ୍ ଦୁର୍ଘଟଣାଗ୍ରସ୍ତ ହୋଇଥିଲା ଏଥିରେ ୭ଟି ଯାନକୁ ଧକ୍କା ଦେଇଥିଲା ଏବଂ ୮ ଜଣ ଗୁରୁତର ଆହତ ହୋଇଥିଲେ।
