କୋରାପୁଟ/ଜୟପୁର,ଏନ୍ଏନ୍ଏସ୍ : କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ୍ ବିସଂହପୁର ଥାନା ଗୁରୁମାଇଗୁଡ଼ା ଗ୍ରାମ ନିକଟରେ ଭାରସାମ୍ୟ ହରାଇ ଏମ ମିନିଟ୍ରକ ଓଲଟି ପଡ଼ିଛି। ଫଳରେ ଘଟଣାସ୍ଥଳରେ ୨ଜଣ ମୃତ୍ୟୁବରଣ କରିଛିନ୍ତି ଓ ୪୦ରୁ ଊର୍ଦ୍ଧ ଯାତ୍ରୀ ଗୁରୁତର ଆହତ ହୋଇଛନ୍ତି। ମୃତକ ଦ୍ୱୟ ଚଂଚଳା ଯାନୀ(୫୦) ଓ ତୁଳସୀ ଯାନୀ(୩୫) ବୋଲି ଜଣାପଡ଼ିଛି।
ମିଳିଥିବା ରିପୋର୍ଟ ମୁତାବକ, ବୋରିଗୁମ୍ମା ବ୍ଲକ୍ ମୁଣ୍ଡିଗୁଡ଼ାରୁ ଏକ ବାହାଘର ଦଳକୁ ନେଇ ବୁଧବାର ଅପରାହ୍ଣ୍ନରେ ଉକ୍ତ ୪୦୭ ମିନିଟ୍ରକ୍ ଫୁକିଗୁଡ଼ା ଯାଉଥିଲା। ଗାଡ଼ିରେ ୫୦ରୁ ଊର୍ଦ୍ଧ ଯାତ୍ରୀ ଥିବାବେଳେ ଗୁରୁମାଇଗୁଡ଼ା ନିକଟରେ ମିନିଟ୍ରକ୍ ଭାରସାମ୍ୟ ହରାଇ ଓଲଟି ପଡ଼ିଥିଲା। ଖବରପାଇ ବିସିଂହପୁର ପୁଲିସ୍, ବୋରିଗୁମ୍ମା ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ଆହତମାନଙ୍କୁ ଉଦ୍ଧାର କରି କୁମୁଲି ହସ୍ପିଟାଲକୁ ପଠାଇବା ସହ ୪ ଗୁରୁତରଙ୍କୁ ଜୟପୁର ହସ୍ପିଟାଲକୁ ପଠାଇଥିଲା। ଭ୍ୟାନ୍ ଡ୍ରାଇଭର ଫେରାର ହୋଇ ଯାଇଥିବା ନେଇ ବିସିଂହପୁର ଥାନା ଭାରପ୍ରାପ୍ତ ଅଧିକାରୀ ସୁଦର୍ଶନ ନାୟକ ସୂଚନା ଦେଇଛନ୍ତି।
