ବେଆଇନ ନିଶା କାରବାରରେ ୬ ଗିରଫ, ବିପୁଳ ପରିମାଣର ନିଶା ସାମଗ୍ରୀ ଜବତ ସହ ୨ ବନ୍ଧୁକ, ୧୭ ଟି ଜୀବନ୍ତ ଗୁଳି, ୩ଟି କାର୍ ଓ ନଗଦ ୩ ଲକ୍ଷ ଟଙ୍କା ଜବତ
ବରଗଡ,ଏନ୍ଏନ୍ଏସ୍: ବେଆଇନ ନିଶା କାରବାର ଅଭିଯୋଗରେ ବରପାଲି ପୁଲିସ ୬ଜଣ ଅଭିଯୁକ୍ତକୁ ଗିରଫ କରାବା ସହ ସେମାନଙ୍କଠାରୁ ବିପୁଳ ପରିମାଣର ଗଞ୍ଜେଇ ଓ କଫସିରଫ ଜବତ କରିଛି। ଏଥିସହ ପୁଲିସ ଗିରଫ ନିଶା ବେପାରୀଙ୍କଠାରୁ ୨ଟି ବନ୍ଧୁକ, ୧୭ଟି ଜୀବନ୍ତ ଗୁଳି, ନଗଦ ୨ ଲକ୍ଷ ୮୯ ହଜାର ୮ଶହ ଟଙ୍କା ସହ ୩ଟି ଚାରିଚକିଆ ଗାଡି ଜବତ କରିଛି। ଗିରଫ ଅଭିଯୁକ୍ତମାନେ ବରଗଡ଼ ମହାନ୍ତିପଡାର ଶେଖ ମଇନୁଦ୍ଦିନ, ବିଞ୍ଜାଲ ପଡାର ଲିଙ୍ଗରାଜ ମେହେର, ବରଗଡ଼ ୱାର୍ଡ ନଂ- ୧୦ର ଶେଖ ହାଇଦର, ଭଟଲି ନୁଆଗଡ଼ର କମଲ ବେହେରା, ଭଟଲି ବଡମାଲର ସୂର୍ଯ୍ୟକାନ୍ତ ସାହୁ ଏବଂ ପରେଶ ସାହୁ ବୋଲି ଜଣାପଡିଛ।
