ନୂଆଦିଲ୍ଲୀ: ଜୀଏସଟୀର ୪୭ତମ ବୈଠକ ପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଗଣମାଧ୍ୟମକୁ ସମ୍ବୋଧନ କରିଛନ୍ତି । ଉକ୍ତ ବୈଠକରେ ସମସ୍ତ ପ୍ରସଙ୍ଗରେ ଆଲୋଚନା ହୋଇଥିବା ନେଇ ସୀତାରମଣ ସୂଚନା ପ୍ରଦାନ କରିଛନ୍ତି । ସୀତାରମଣ କହିଛନ୍ତି ଯେ, ଜିଏସଟି କାଉନସିଲ ଟ୍ୟାକ୍ସ ଛାଡ଼ ଓ ବିପରୀତୀକରଣରେ ସୁଧାର ଉପରେ ଜୀଓଏମଙ୍କ ସୁପାରିଶକୁ ଗ୍ରହଣ କରିନେଇଛି । ଏହି ସମୟରେ କେସୀନୋ ଓ ଅନଲାଇନ ଗେମ ଉପରେ ଜୀଓଏମର ଚୂଡ଼ାନ୍ତ ରିପୋର୍ଟ ଉପରେ ମଧ୍ୟ ଚର୍ଚ୍ଚା କରାଯାଇଥିଲା ।
ସୂଚନାଯୋଗ୍ୟ, ଚଣ୍ଡୀଗଡ଼ରେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଜିଏସଟି କାଉନସିଲର ଦ୍ୱି-ଦିବସୀୟ ବୈଠକରେ ଅନେକ ବସ୍ତୁ ଉପରେ ଟ୍ୟାକ୍ସ ବଢ଼ାଯାଇଛି । ଖାସ୍ କଥାଟି ହେଲା, କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବମ୍ମୋଇଙ୍କ ଅଧ୍ୟକ୍ଷତାରେ ମନ୍ତ୍ରୀ ସମୂହ ଦ୍ୱାରା ଟ୍ୟାକ୍ସ ଛାଡ଼ ଓ ବିପରୀତୀକରଣରେ ସୁଧାର ଉପରେ ଦିଆଯାଇଥିବା ରିପୋର୍ଟକୁ ସ୍ୱୀକାର କରାଯାଇଛି ।
