ସଇଁନ୍ତଲା,ଏନ୍ଏନ୍ଏସ୍: ରାଜ୍ୟ ସରକାର ଗରିବ ଲୋକଙ୍କୁ ମାଗଣାରେ ଚାଉଳ ଯୋଗାଉଥିବାବେଳେ ଅସହ୍ୟ ତାତିରେ ୪ରୁ ୭ କିମି ଯାଇ ଚାଉଳ ଆଣିବା ଲୋକଙ୍କ ପାଇଁ କଷ୍ଟକର ହୋଇପଡ଼ୁଛି । ସେଥିପାଇଁ ନବନିର୍ବାଚିତ ସଇଁନ୍ତଲା ସରପଞ୍ଚ ସୁବ୍ରତ ନାଗ ବିଡିଓ ଅନୁପସ୍ଥିତ ଥିବା ଯୋଗୁ ଏବିଡିଓ ପ୍ରଦୀପ ପଟ୍ଟନାୟକଙ୍କ ଜରିଆରେ ପିତାମହୁଲଠାରେ ଚାଉଳ ବଣ୍ଟନ କେନ୍ଦ୍ର ଖୋଲିବା ପାଇଁ ଟିଟିଲାଗଡ଼ ଉପଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛନ୍ତି ।
ସୂଚନାଯୋଗ୍ୟ, ସଇଁନ୍ତଲା ପଞ୍ଚାୟତ ଅଧିନସ୍ଥ କାର୍ଲବାହାଲି, କନ୍ଧେନବାହାଳି, ଝାରମୁଣ୍ଡା, ଡ଼ଙ୍ଗରମୁଣ୍ଡା ଓ ପିତାମହୁଲ ଭଳି ଅନେକ ଗାଁ ଲୋକେ ଏହି ପଞ୍ଚାୟତ ଉପରେ ନିର୍ଭର କରନ୍ତି । ହେଲେ ଏହି ଗାଁଠାରୁ ପିତାମହୁଲ ପଞ୍ଚାୟତ ୭କିମି ଭିତରେ ହେଉଥିବାରୁ ଏଠାରେ ଚାଉଳ ବଣ୍ଟନ କେନ୍ଦ୍ର ଖୋଲିବା ପାଇଁ ସରପଞ୍ଚ ଶ୍ରୀଯୁକ୍ତ ନାଗ ଦାବୀ କରିଛନ୍ତି ।
