କଟକ,ଏନ୍ଏନ୍ଏସ୍: କଟକ ମହାନଗର ନିଗମ ତରଫରୁ ଗତକାଲି(ଶନିବାର) ପବ୍ଲିକ ୱାର୍କ ଷ୍ଟାଣ୍ଡିଂ କମିଟି ଵୈଠକ ବସିଥିଲା । କଟକରେ ନୂଆ ସ୍ମାର୍ଟ ପାର୍କ ପାଇଁ ସଏସଏମସି ଯୋଜନା କରୁଥିବା ଵୈଠକରେ କୁହାଯାଇଛି, ଯେଉଁଠାରେ ଅତ୍ୟାଧୁନିକ ସାମଗ୍ରୀ ରଖାଯିବା ନେଇ ମଧ୍ୟ ବ୍ୟବସ୍ଥା କରାଯିବ ।
ମିଳିଥିବା ସୂଚନା ଅନୁଯାୟୀ କଟକ ମହାନଗର ନିଗମର ଶନିବାର ପବ୍ଲିକ ୱାର୍କ ଷ୍ଟାଣ୍ଡିଂ ବୈଠକ ବସିଥିଲା । ଏଥିରେ ଉଭୟ ଶାସକ ଓ ବିରୋଧି ଦଳର କର୍ପୋରେଟର ମାନେ ଵିଭିନ୍ନ ଓ୍ବାର୍ଡରେ ହେଉଥିବା କାମର ମାନକୁ ନେଇ ଆଲୋଚନା କରିବା ସହ ଅସନ୍ତୋଷ ପ୍ରକାଶ କରିଥିଲେ । ବିଶେଷ କରି ଓ୍ବାର୍ଡ ଗୁଡିକରେ ତିଆରି ହେଉଥିବା ପାର୍କ ଗୁଡିକର କାମ ଅତ୍ୟନ୍ତ ନିମ୍ନ ମାନର ହୋଇଥିଵା ଅଭିଯୋଗ ହୋଇଥିଲା । ଏ ସମ୍ପର୍କରେ ତଦାରଖ କରାଯାଉଥିବା ଵିଭାଗୀୟ ଅଧିକାରୀ ମତ ରଖିଥିଲେ ।
ଆଲୋଚନା ପରେ ସହରରେ ୭ଟି ସ୍ମାର୍ଟ ପାର୍କ ହେବା ନେଇ କୁହାଯାଇଛି । ଯେଉଁଠାରେ ଫୁଡ଼ କୋର୍ଟ, ଜିମ ,ପାଠାଗାର, ଇତ୍ୟାଦି ଉପଲବ୍ଧ ହେବ । କର୍ମଜୀବୀ ମହିଳା ମାନଙ୍କ ପାଇଁ ହଷ୍ଟେଲ ସୁବିଧା ମଧ୍ୟ କରାଯିବ । ଏହାଛଡ଼ା ଦଶହରା ପୂର୍ବରୁ ଯେଉଁ ବିକାଶ ମୂଳକ କାମ ହାତକୁ ନିଆଯାଇ ଥିଲା ତାହାର ମଧ୍ୟ କାର୍ଯ୍ୟ ଶେଷ କରିବାକୁ ଏହି ବୈଠକରେ ନିଷ୍ପତ୍ତି ହୋଇଛି । ତେବେ ଏହି ବୈଠକରେ ଷ୍ଟାଣ୍ଡିଙ୍ଗ କମିଟି ଚେୟାରମ୍ୟାନ ପ୍ରଦୀପ୍ତ ଖୁଣ୍ଟିଆ ବିଭିନ୍ନ ୱାର୍ଡର କର୍ପୋରେଟର ଓ ସିଏମସିର ବିଭାଗୀୟ ଅଧିକାରୀ ଉପସ୍ଥିତ ଥିଲେ । ସିଏମସି ପକ୍ଷରୁ ଯେଉଁ ସବୁ ଯୋଜନା କରାଯାଉଛି ତାହାର କେତେ ପରିମାଣର ସଫଳ ରୂପାୟନ ହେଉଛି ତାହା ଏହି ବୈଠକର ମୂଳ ଲକ୍ଷ୍ୟ।
ଏନେଇ କଟକ ଓ୍ବାର୍ଡ ନମ୍ବର ୫୦ର କର୍ପୋରେଟର ସନ୍ତୋଷ ଭୋଳ କହିଛନ୍ତି ଯେ, ” ଆମର ସବୁ ଯେଉଁ କାମ ପେଣ୍ଡିଂ ରହିଯାଇଥିଲା, ତାକୁ ଓ୍ବାର୍କ ଷ୍ଟାଣ୍ଡି କମିଟିକୁ ପଠାଇଛନ୍ତି ବା ଦଶହରା ସମୟରେ ଯେଉଁ ସବୁ କାର୍ଯ୍ୟକାରୀ ହୋଇଛି ତାକୁ ଷ୍ଟାଣ୍ଡି କମିଟି ପଠାଇ କାଉସିଲ ପାସ କରିବା ପାଇଁ କରାଯାଇଛି । କିନ୍ତୁ ଯେଉଁ ମାତ୍ରାରେ କାର୍ଯ୍ୟ କରିବା କଥା ତାହା ଆଜି ପର୍ଯ୍ୟନ୍ତ ହୋଇନାହିଁ, ଖାଲି ଗୋଟେ ଲୋକ ଦେଖାଣିଆ ହୋଇ ଷ୍ଟାଣ୍ଡିଂ କମିଟିକୁ ପଠାଇଦେଇଛନ୍ତି l ଦଶହରା ସମୟରେ କୌଣସି ଆଖିଦୃଶ୍ୟା ଭଳି କାମବି ହୋଇନାହିଁ, ଖାଲି ଲୋକ ଦେଖାଣିଆ ପାଇଁ ରାସ୍ତାଘାଟ ମରାମତି କରିଦେଇଛନ୍ତି ।
