ପ୍ରେମ ପାଇଁ ସାତଦରିଆ ପାରି: ବଲାଙ୍ଗୀର ବୋହୂ ସାଜିଲେ ଜର୍ମାନୀ ଝିଅ
ବଲାଙ୍ଗିର,ଏନ୍ଏନ୍ଏସ୍: ପ୍ରେମ ମାନିଲାନି ବନ୍ଧବାଡ । ସାତ ସମୁଦ୍ର ପାରିହୋଇ ବଲାଙ୍ଗୀରର ବୋହୂ ସାଜିଲେ ଜର୍ମାନୀର ଝିଅ ଏମା । ବିଦେଶୀ ସଂସ୍କୃତିରେ ଛୋଟରୁ ବଡ଼ ହୋଇଥିଲେ ମଧ୍ୟ ଆଜି ଭାରତୀୟ ବୋହୂ ସାଜିଛନ୍ତି । ଏଭଳି ନିଆରା ବିବାହ ଦେଖିବାକୁ ମିଳିଛି ବଲାଙ୍ଗୀର ଦେଢ଼ ଗାଁରେ ।
ସାଧାରଣ ବିବାହ ଉତ୍ସବରୁ ଏହି ବିବାହ ଉତ୍ସବ ଟିକେ ନିଆରା ଥିଲା । କାରଣ ବିବାହରେ ପୁଅ ଭାରତୀୟ ହୋଇ ଥିବାବେଳେ ଝିଅ ଥିଲେ ବିଦେଶୀ । ଦେଢ଼ଗାଁର ପ୍ରେମଲାଲ ସେନାପତିଙ୍କ ପୁଅ ସୌରଭ ସେନାପତି ଜର୍ମାନୀ ମ୍ୟୁନିମ ସହରରେ ଏକ ପ୍ରତିଷ୍ଠିତ କମ୍ପାନୀରେ କାମ କରନ୍ତି । ସେଠାରେ ଜର୍ମାନୀ ସ୍ଲୋଭେନିଆ ସହରର ଏମା. ବିଧମ ଶେଖ ନାମକ ଝିଅ ମଧ୍ୟ କାମ କରନ୍ତି । କାମ କରିବା ସମୟରେ ଉଭୟଙ୍କ ମଧ୍ୟରେ ପ୍ରେମ ହୋଇଥିଲା । ତିନି ବର୍ଷ ପ୍ରେମ ସମ୍ପର୍କ ପରେ ପୁଅ ଝିଅ ନିଜ ନିଜ ପରିବାର ବର୍ଗଙ୍କୁ ତାଙ୍କ ମନ କଥା ଜଣାଇଥିଲେ ।