ବେଙ୍ଗାଲୁରୁରେ କଳିଙ୍ଗ ୟୁଥ୍ ପକ୍ଷରୁ ରକ୍ତଦାନ ଶିବିର
ବେଙ୍ଗାଲୁରୁ,ଏଜେନ୍ସି: ଏରକ୍ତ ଦାନ ମହତ ଦାନ। ଏହି ଉଦ୍ଦେଶ୍ୟ ରଖି ପ୍ରବାସୀ ଓଡ଼ିଆମାନଙ୍କ ଦ୍ବାରା ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି। କରୋନା ମହାମାରୀ ସମୟରେ ରକ୍ତ ଅଭାବ ବହୁତ ଦେଖିବାକୁ ମିଳୁଥିଲା, ଫଳରେ ବହୁତ ଓଡ଼ିଆ ରକ୍ତ ଅଭାବ ଜନିତ କାରଣରୁ ମୃତ୍ୟୁ ବରଣ କରିଥିଲେ।ଏହାର ନିରାକରଣ ସହିତ ପ୍ରବାସରେ କେହି ରକ୍ତ ଅଭାବ ଜନିତ ମୃତ୍ୟୁ ନହେଉ ଏହାହିଁ ଲକ୍ଷ। ଏହି ପରିପ୍ରେକ୍ଷୀରେ ବେଙ୍ଗାଲୁରୁର ଜଣାଶୁଣା ସାମାଜିକ ଅନୁଷ୍ଠାନ କଳିଙ୍ଗ ୟୁଥ ପକ୍ଷରୁ ଏକ ରକ୍ତଦାନ ଶିବିରର ଆୟୋଜନ କରାଯାଇଛି। ରେଡ଼୍ କ୍ରସ୍ ଓ କଳିଙ୍ଗ ୟୁଥ୍ ମିଳିତ ଉଦ୍ୟମରେ ଭର୍ତ୍ତୃର ଠାରେ ଏହି ଶିବିର ଅନୁଷ୍ଠିତ ହୋଇଥିଲା। କଳିଙ୍ଗ ୟୁଥ୍ର ସଭାପତି ଶାଶ୍ୱତ ବରାଳ, ମନୋହର ରେଡି, ତୁଷାର ରଞ୍ଜନ ପାଣିଗ୍ରାହୀ, ବାମନ ଗିରି, ଧୀରେନ୍ଦ୍ର ଧଳ ପ୍ରମୁଖ ଯୋଗଦେଇ ଶିବିରକୁ ଉଦଘାଟନ କରିଥିଲେ।
