କଟକ,ଏନ୍ଏନ୍ଏସ୍: କଟକରେ କୋଭିଡ ପରିଚାଳନାରେ ବିଫଳତା, ଡେଙ୍ଗୁ ପ୍ରତିକାର, ଜାଇକା, ନାଳ ନର୍ଦ୍ଧମା, ବିପର୍ଯ୍ୟସ୍ତ ରାସ୍ତା ଘାଟ, ବିଜୁଳି ବିଭ୍ରାଟ, ପଙ୍ଗୁ ସ୍ୱାସ୍ଥ୍ୟସେବା, ଭ୍ରଷ୍ଟ ଶିକ୍ଷା ବ୍ୟବସ୍ଥା, ଆଇନ ଶୃଙ୍ଖଳାରେ ଅବନ୍ନତି, ବସ୍ତି ବାସିନ୍ଦା ଥଇଥାନ ଆଦିରେ ସମ୍ପୂର୍ଣ୍ଣ ଅବ୍ୟବସ୍ଥା ଭିତରେ ବହୁ ବିଳମ୍ବରେ ଏକମୋ ମେସିନ ଉଦଘାଟନ ବାହାନାରେ ମୁଖ୍ୟମନ୍ତ୍ରୀଙ୍କ ଲୋକ ଦେଖାଣିଆ କଟକ ଗସ୍ତକୁ ଭାଜପା କଟକ ନଗର ତରଫରୁ କଳାପତାକା ଦେଖାଇ ବିରୋଧ କରାଯାଇଛି। କଟକ ନଗର ସଭାପତି ଶ୍ରୀ ଲଲାଟେନ୍ଦୁ ବଡୁଙ୍କ ନେତୃତ୍ୱରେ ରାଜ୍ୟ ସଂଖ୍ୟା ଲଘୁ ମୋର୍ଚ୍ଚା ସଭାପତି ଶ୍ରୀ ସିକନ୍ଦର ଅଲ୍ଲି, ସବ୍ୟସାଚୀ ମହାପାତ୍ର, ଜିଲ୍ଲା ସାଧାରଣ ସମ୍ପାଦକ ବିଶ୍ୱରଞ୍ଜନ ମିଶ୍ର, ରାଜ୍ୟ ଯୁବମୋର୍ଚ୍ଚା ସଂଯୋଜକ ସ୍ମୃତିରଞ୍ଜନ ମିଶ୍ର ପ୍ରମୁଖ ୫୦ରୁ ଅଧିକ କାର୍ଯ୍ୟକର୍ତ୍ତା କଳାପତାକା ପ୍ରଦର୍ଶନ କରିଥିଳେ। ଏହି ମାନଙ୍କୁ ଗିରଫ କରାଯାଇଛି।
