ଧାମନଗର,ଏନ୍ଏନ୍ଏସ୍: ଆଜି ବିଶ୍ୱ ବ୍ୟାପି ପାଳନ ହେଉଛି ‘ଆର୍ଟ ଅଫ ଗିଭିଂ ଡେ’। ଚଳିତ ବର୍ଷ ୯ ତମ ‘ଆର୍ଟ ଅଫ ଗିଭିଂ ଡେ’ ପାଳିତ ହେଉଛି। ଚଳିତ ବର୍ଷର ଶ୍ଳୋଗାନରେ Hope, Happiness and harmony ରହିଛି। ଭଦ୍ରକ ଜିଲ୍ଲା ଧାମନଗର ବ୍ଲକ ହସନାବାଦ ପଞ୍ଚାୟତ ଅସ୍ତକ ପ୍ରାଥମିକ ବିଦ୍ୟାଳୟ ପରିସରରେ ‘ଆର୍ଟ ଅଫ ଗିଭିଂ ଡେ’ ପାଳିତ ହୋଇଛି।
ସମାଜସେବୀ ସତ୍ୟନାରାୟଣ ପୁହାଣଙ୍କ ତତ୍ୱବାଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥି ଭାବେ ସରପଞ୍ଚ ଅଜୟ ମଲିକ, ପ୍ରଧାନ ଶିକ୍ଷୟିତ୍ରୀ ସୁକାନ୍ତି ମହାନ୍ତି, ଶିକ୍ଷାବିତ ଶଶାଙ୍କ ନାୟକ ପ୍ରମୁଖ ଯୋଗଦେଇ ବୃକ୍ଷ ରୋପଣ ସହିତ ସ୍କୁଲର ଛାତ୍ରଛାତ୍ରୀ ମାନଙ୍କୁ ପାଠ୍ୟ ସାମଗ୍ରୀ ବଣ୍ଟନ କରିଥିଲେ। ଅତିଥି ମାନେ କିଟ୍ ଓ କିସର ପ୍ରତିଷ୍ଠାତା ଡ଼ ଅଚ୍ୟୁତ ସାମନ୍ତଙ୍କ ଏଭଳି ପ୍ରୟାସକୁ ଭୁରି ପ୍ରଂସଶା କରିଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ଓ ସମସ୍ତ ଛାତ୍ରଛାତ୍ରୀ ଯୋଗଦେବା ସହ ବୃକ୍ଷ ରୋପଣ କରିଥିଲେ।
