ଆଳି,ଏନ୍ଏନ୍ଏସ୍: ଆଜି ସକାଳେ ଆଳି ଡ଼ାକବଙ୍ଗଳା ଛକ ନିକଟରେ କଟକରୁ ଚାନ୍ଦବାଲିକୁ ଏକ ମୃତଦେହ ନେଇ ଯାଉଥିବା ଆମ୍ବୁଲାନ୍ସଟି ରାସ୍ତା ତଳକୁ ଓଲଟି ପଡିଛି। ଫଳରେ ଆମ୍ବୁଲାନ୍ସଟି ଭାଙ୍ଗିରୁଜି ଯାଇଥିବାବେଳେ ଡ୍ରାଇଭର ସମେତ ୪ ଜଣ ଆହତ ହୋଇଥିବା ସୂଚନା ମିଳିଛି। ଆଳି ଆଇଆଇସି ସଲିଲ ପ୍ରଧାନ, ଏସଆଇ ସୌମ୍ୟରଞ୍ଜନ ପାଣିଗ୍ରାହୀ ଆହତମାନଙ୍କ ନିକଟରେ ପହଞ୍ଚି ଘଟଣାର ତଥ୍ୟ ସଂଗ୍ରହ କରି ମୃତଦେହକୁ ତାଙ୍କୁ ହସ୍ତାନ୍ତର କରିଛନ୍ତି। ସୂଚନା ଯୋଗ୍ୟ ଯେ ଡ଼ାକବଙ୍ଗଳା ଛକ ଟର୍ଣ୍ଣିଙ୍ଗରେ ବାରମ୍ବାର ଦୁର୍ଘଟଣା ଘଟି ଅନେକ ଧନଜୀବନ ହାନି ହେଉଥିଲେ ମଧ୍ୟ ବିଭାଗୀୟ ଅଧିକାରୀ ମାନେ ଏଥିପ୍ରତି ଦୃଷ୍ଟି ଦେଉନାହାନ୍ତି। ଏନେଇ ସାଧାରଣରେ ଅସନ୍ତୋଷ ଦେଖାଦେଇଛି।
