ଯାଜପୁର,ଏନ୍ଏନ୍ଏସ୍: ଯାଜପୁର ଜିଲ୍ଲା ବଡ଼ଚଣାର ତଳିପଦା ଗାଁ’ ରାସ୍ତାକଡ଼ରୁ ଶୁକ୍ରବାର ସକାଳେ ଏକ ନବଜାତକ ଶିଶୁ କନ୍ୟା ଉଦ୍ଧାର କରାଯାଇଛି। ସୂଚନା ଅନୁସାରେ ଆଜି ସକାଳରେ ତଳିପଦା ଗାଁ’ ରାସ୍ତାକଡ଼ରେ ଏକ ନବଜାତକ ଶିଶୁ ପଡ଼ିଥିବା ଦେଖି ସ୍ଥାନୀୟ ଲୋକମାନେ ଚାଇଲ୍ଡ ହେଲ୍ପ ଲାଇନକୁ ଖବର ଦେଇଥିଲେ। ପରେ ଶିଶୁ ସୁରକ୍ଷା ଅଧିକାରୀ ସେଠାରୁ ଯାଇ ଶିଶୁଟିକୁ ଉଦ୍ଧାର କରିଥିଲେ। ତେବେ କିଏ ଓ କେଉଁ କାରଣରୁ ଶିଶୁଟିକୁ ଏଭଳି ଫିଙ୍ଗି ଦେଇଛି ସେ ନେଇ ତଦନ୍ତ ଆରମ୍ଭ ହୋଇଛି। ସେହିପରି ଶିଶୁର ସ୍ୱାସ୍ଥ୍ୟ ଅବସ୍ଥା ଠିକ୍ ଥିବା ଶିଶୁ ସୁରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।
