ରାଜଧାନୀରୁ ପୁଣି ୩୮୬ କରୋନା ଆକ୍ରାନ୍ତ ଚିହ୍ନଟ, ୨୧୩ ସୁସ୍ଥ

ଭୁବନେଶ୍ୱର,ଏନ୍ଏନ୍ଏସ୍: ରାଜଧାନୀ ଭୁବନେଶ୍ୱରରୁ ୩୮୬ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଭୁବନେଶ୍ୱରରେ ମୋଟ ସଂକ୍ରମିତଙ୍କ ସଂଖ୍ୟା ୮୬୪୭ରେ ପହଞ୍ଚିଛି। ଏଥିମଧ୍ୟରୁ ୫୧୨୪ଜଣ ସୁସ୍ଥ ହୋଇ ଫେରିଥିବାବେଳେ ୩୬ଜଣଙ୍କର ମୃତ୍ୟୁ ହୋଇଛି। ୩୪୭୮ଟି ଆକ୍ଟିଭ କେସ ରହିଛି। ଏନେଇ ଭୁବନେଶ୍ୱର ମହାନଗରନିଗମ ପକ୍ଷରୁ ସୂଚନା ଦିଆଯାଇଛି।

Update on newly detected & cured #COVID19 cases in the last 24 hrs under the BMC area on 27th Aug 2020(till 9am).

Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/AsTSuDx6xp

— BMC (@bmcbbsr) August 27, 2020

ଅନ୍ୟପକ୍ଷରେ ଆଜି ଭୁବନେଶ୍ୱରରୁ ୨୧୩ଜଣ ସୁସ୍ଥ ହୋଇଛନ୍ତି। ଆଜିର ଆକ୍ରାନ୍ତଙ୍କ ମଧ୍ୟରେ ୨୦୩ ଜଣ ସ୍ଥାନୀୟ ବ୍ୟକ୍ତି ରହିଛନ୍ତି। ୧୮୩ଜଣ କ୍ୱାରେଣ୍ଟାଇନରୁ ଚିହ୍ନଟ ହୋଇଛନ୍ତି। ସ୍ଥାନୀୟ ଆକ୍ରାନ୍ତ ବିଏମସିର ଚିନ୍ତା ବଢାଇଛି। ଆଇଆରସି ଭିଲେଜରୁ ଆଜି ୮ ଜଣ, ୟୁନିଟ ୯ରୁ ୪ଜଣ, ଚନ୍ଦ୍ରଶେଖରପୁର ୭ମ ବାଟାଲିଅନରୁ ୧୦ଜଣ, ଚନ୍ଦ୍ରଶେଖରପୁର କନକ ଦୁର୍ଗା ମନ୍ଦିର ନିକଟରୁ ୪ଜଣ, କେନ୍ଦ୍ରୀୟ ହସ୍ପିଟାଲରୁ ୩ ଜଣ ସ୍ୱାସ୍ଥ୍ୟକର୍ମୀ, ଭିଏସଏସ ନଗରରୁ ୪ଜଣ ଏବଂ ସହିଦ ନଗରରୁ ୫ଜଣ ସ୍ଥାନୀୟ ବ୍ୟକ୍ତି ଚିହ୍ନଟ ହୋଇଛନ୍ତି।