ନବରଙ୍ଗପୁର,ଏନ୍ଏନ୍ଏସ୍: ଜିଲ୍ଲା ରାଜସ୍ୱ ବିଭାଗର ଠିକା ସଂସ୍ଥା ପ୍ରତି ଅହେତୁକ ଅନୁକମ୍ପା ସନ୍ଦେହ ସୃଷ୍ଟି କରୁଛି । ଅଳ୍ପ ରାଜସ୍ୱ ଆଦାୟ କରି ରାଜସ୍ୱ ବିଭାଗ ଚୁପ ରହିବା ଫଳରେ ଠିକା ସଂସ୍ଥା ଓ ପଥର ମାଫିଆ ମାଲେମାଲ ହେଉଛନ୍ତି । ଏଭଳି ଚଞ୍ଚକତା ନବରଙ୍ଗପୁର ଜିଲ୍ଲା ଝରିଗାଁ ତହସିଲ ଅନ୍ତର୍ଗତ ବକଡ଼ାବେଡ଼ା ରାଜସ୍ୱ ଅଧୀନରେ ଥିବା ଜାମ୍ୱଗୁଡ଼ାରେ ଦେଖିବାକୁ ମିଳିଛି । ଜାମ୍ବଗୁଡ଼ାରେ ଖୋଳାଯାଉଥିବା ପଥର ଖାଦାନଟି ଝରିଗାଁର ସୁବାସ ପଟ୍ଟନାୟକଙ୍କ ନାମରେ ଲିଜ ହୋଇଛି । ସେ ଆର୍ôଥକ ବର୍ଷ ୨୦୨୧-୨୨ ରେ ୧,୮୭,୬୮୭/- ଟଙ୍କା ଓ ୨୨-୨୩ ରେ ୭,୧୦,୪୬୩/- ଟଙ୍କା ଓ ୨୩-୨୪ ରେ ୭,୧୦,୪୬୩/- ଟଙ୍କା ଦେବାକଥା । କିନ୍ତୁ ଶ୍ରୀ ପଟ୍ଟନାୟକ ସରକାରଙ୍କୁ ଆର୍ôଥକ ବର୍ଷ ୨୩-୨୪ ପାଇଁ ୭,୧୦,୪୬୩/- ଟଙ୍କା ଦେଇନାହାନ୍ତି ବୋଲି ଝରିଗାଁ ତହସିଲଦାର ମଧୁସୁଦନ ମାଝୀ କହିଛନ୍ତି । ଶ୍ରୀ ପଟ୍ଟନାୟକ ୩ଟି କିସ୍ତିରେ ୧୬/୦୩/୨୨ରେ ୨,୫୦,୦୦୦/- ଟଙ୍କା, ୧୬/୦୪/୨୨ରେ ୨,୬୭,୪୭୦/- ଟଙ୍କା ଏବଂ ୦୧/୦୮/୨୩ରେ ୩,୮୫,୬୮୦/- ଟଙ୍କା ଝରିଗାଁ ତହସିଲରେ ପୈଠ କରିଛନ୍ତି । ଫଳରେ ତାଙ୍କୁ ଏବେ ପର୍ଯ୍ୟନ୍ତ ପଥର ଉତ୍ତୋଳନ ପାଇଁ ସରକାରୀ ସ୍ତରରେ କୌଣସି ନିର୍ଦ୍ଦେଶନାମା ଜାରି କରାଯାଇ ନାହିଁ । ସମସ୍ତ କିସ୍ତି ଟଙ୍କା ଅଗ୍ରୀମ ଆକାରରେ ପୈଠ ହେବା କଥା ବୋଲି ଝରିଗାଁ ତହସିଲଦାର ମଧୁସୂଦନ ମାଝୀ କହିବା ସହ ଯଦି ପଥର ଉତ୍ତୋଳନ ହେଉଥିବ ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ଶ୍ରୀ ମାଝୀ କହିଛନ୍ତି । ଏପଟେ ଲିଜ ଖିଲାପ ହୋଇଥିବାବେଳେ ଠିକା ସଂସ୍ଥା ଦିନ ଦ୍ୱିପ୍ରହରେ କୋଟି କୋଟି ଟଙ୍କାର ପଥର ଲୁଟ କରିବାରେ ଦିନ ରାତି ଲାଗି ପଡ଼ିଛି । ଅଧିକ ଜାଣିବା ପାଇଁ ଉପଜିଲ୍ଲାପାଳ ପ୍ରକାଶ କୁମାର ମିଶ୍ରଙ୍କ ଦୃଷ୍ଟି ଆକର୍ଷଣ କରିବାରୁ ତଦନ୍ତ କଲା ପରେ କହିବି ବୋଲି କହିଥିଲେ ।
