ଭଦ୍ରକ,ଏନ୍ଏନ୍ଏସ୍: ଭଦ୍ରକ ଜିଲ୍ଲାର ଏକ ବାହାଘରରେ ଅତିଥିମାନେ ଭୋଜି ଖାଇ ଅସୁସ୍ଥ ହୋଇଛନ୍ତି। ବିବାହ ଭୋଜି ଖାଇ ବର ସମେତ ୮୦ ଜଣ ଅତିଥି ଅସୁସ୍ଥ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ସୂଚନା ଅନୁସାରେ, ବସନ୍ତ ବେହେରାଙ୍କ ପୁଅ ପ୍ରକାଶ ବେହେରା ଗତକାଲି ରାତିରେ ତାଙ୍କ ଗାଁ ଚୁନିଡାଠାରେ ତାଙ୍କ ବିବାହ ଭୋଜିର ଆୟୋଜନ କରିଥିଲେ। ଭୋଜିର କିଛି ଘଣ୍ଟା ପରେ କିଛି ନିମନ୍ତ୍ରିତ ଅତିଥିଙ୍କ ସମେତ ନବ ବିବାହିତ କନ୍ୟାଙ୍କ ପରିବାର ସଦସ୍ୟ ଅସୁସ୍ଥ ହୋଇପଡିଥିଲେ। ୮୦ ଜଣ ଅତିଥିଙ୍କୁ ତୁରନ୍ତ ଚିକିତ୍ସା ପାଇଁ ସ୍ଥାନୀୟ ପ୍ରାଥମିକ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାଯାଇଛି। ସେମାନଙ୍କ ଭିତରୁ ୧୦ ଜଣ ଗୁରୁତର ବ୍ୟକ୍ତିଙ୍କୁ ଚିକିତ୍ସା ପାଇଁ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି।
