ବୌଦ୍ଧ,ଏନ୍ଏନ୍ଏସ୍: ବୌଦ୍ଧ ମହାନଦୀ ବ୍ରିଜଛକ ଅଞ୍ଚଳର ଏକ ଘରେ ୨ ଜଣ କାମ କରୁଥିବା ବେଳେ କୂଅରେ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିବା ଜଣାପଡ଼ିଛି। ବ୍ରିଜ ଛକ ନିକଟରେ ଏକ ନୂତନ ଘରେ ଟୁଟୁସିଙ୍ଗା ଗ୍ରାମର ପ୍ରଫୁଲ୍ଲ ସାହୁ ଓ ନିରଞ୍ଜନ ଭୋଇ ରଙ୍ଗ କାମ କରୁଥିଲେ। ତେବେ ଘର ମାଲିକଙ୍କ ଅନୁରୋଧ କ୍ରମେ ତାଙ୍କ କୂଅ ସଫା କରିବାକୁ ସେମାନେ କୂଅ ଭିତରକୁ ପଶିଥିଲେ। ମାତ୍ର କୂଅ ଭିତରେ ଶ୍ୱାସରୁଦ୍ଧ ହୋଇ ସେମାନେ ମୃତ୍ୟୁ ବରଣ କରିଥିଲେ।
ପରେ ସେମାନଙ୍କୁ ବାହାରକୁ ଆଣିବା ପାଇଁ ଆଉ ଜଣେ କୂଅ ଭିତରକୁ ପଶିଥିବା ବେଳେ ସେଠାରେ ସେ ବେହୋସ ହୋଇଯାଇଛନ୍ତି। ତେବେ ସେଠାରୁ ତାଙ୍କୁ ଉଦ୍ଧାର କରାଯାଇ ଚିକିତ୍ସାଳୟରେ ଭର୍ତି କରାଯାଇଛି। ସେହିପରି ଅଗ୍ନିଶମ ବିଭାଗ ପହଞ୍ଚି ଉଭୟଙ୍କ ଶବକୁ କୂଅରୁ ବାହାର କରିଛନ୍ତି। ଏହି ପରିପ୍ରେକ୍ଷୀରେ ପୁଲିସ ଘର ମାଲିକ ବ୍ରଜ କିଶୋର ବିଶିଙ୍କୁ ଅଟକ ରଖିଛି।
