ନୟାଗଡ଼,ଏନ୍ଏନ୍ଏସ୍: ରାଜ୍ୟରେ ଆଜି ଯୁକ୍ତ ଦୁଇ ବାଣିଜ୍ୟ ପରୀକ୍ଷା ଫଳ ପ୍ରକାଶ ପାଇଛି। ବିଜ୍ଞାନ ଭଳି ବାଣିଜ୍ୟରେ ମଧ୍ୟ ନୟାଗଡ଼ ଜିଲ୍ଲା ସାରା ରାଜ୍ୟରେ ଟପ୍ପର ହୋଇଥିବା ବେଳେ ଜିଲ୍ଲାରେ ଟପ୍ପର ହୋଇଛନ୍ତି ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ଛାତ୍ର ସିତୁ ବେହେରା। ସେ ୫୬୭ ମାର୍କ ରଖିଥିବା ଜଣାଯାଇଛି। ସେହିଭଳି ଭାବେ ଛାତ୍ରୀ ମନସ୍ୱିତା ମହାନ୍ତି ୫୬୨ ମାର୍କ ରଖି ଜିଲ୍ଲାରେ ଦ୍ୱିତୀୟ ସ୍ଥାନ ଅଧିକାର କରିଥିବା ବେଳେ ଛାତ୍ରୀ ବର୍ଷାରାଣୀ ସାଥୁଆ ୫୪୪ ମାର୍କ ରଖି ତୃତୀୟ ସ୍ଥାନରେ ରହିଛନ୍ତି। କେବଳ ଜିଲ୍ଲା ନୁହେଁ ସାରା ରାଜ୍ୟରେ ସିତୁ ଟପ୍ପର ହୋଇଥିବା ବେଳେ ମନସ୍ୱିତା ଦ୍ୱିତୀୟ ସ୍ଥାନ ଅଧିକାର କରିଛନ୍ତି।
ସେହିପରି ନୟାଗଡ଼ ଜିଲ୍ଲା ସାରା ରାଜ୍ୟ ପାସ୍ ହାରରେ ଆଗୁଆ ରହିଛି। ଆଜି ନୟାଗଡ଼ ପାଇଁ ଏହା ୨ଟି ଖୁସି ଆଣି ଦେଇଛି।ଏହାକୁ ନେଇ ଜିଲ୍ଲାରେ ଆଜି ଖୁସିର ଲହରୀ ଖେଳିଯାଇଛି।
