ସେଲ୍ଫି ନେବାବେଳେ ପାଣିରେ ବୁଡିଗଲେ ଦୁଇ ଛାତ୍ର

ପାଇକମାଳ,ଏନ୍ଏନ୍ଏସ୍: ପାଇକମାଳ ଥାନା ନୃସିଂହନାଥ କପିଳଧାର ଝରଣା ନିକଟରେ ସେଲ୍ଫିି ନେବାବେଳେ ଖସିପଡ଼ି ଜଣେ ଛାତ୍ରଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣେ ନିଖୋଜ ଅଛନ୍ତି। ସୂଚନା ଅନୁସାରେ, ପାଇକମାଳ ଥାନା ଝିଟିକି ଗ୍ରାମର ତିନିଜଣ କଲେଜ ଛାତ୍ର ମଧ୍ୟାହ୍ନରେ ନୃସିଂହନାଥ କପିଳଧାରକୁ ଯାଇଥିଲେ। କପିଳଧାର ଝରଣା ଉପରୁ ଠିଆ ହୋଇ ସେଲ୍ଫି ଫଟୋ ନେଉଥିବାବେଳେ ଦୁଇଜଣ ତଳକୁ ଖସି ପଡିଥିଲେ।

ଫଟୋ ଉଠାଉଥିବା ଘନଶ୍ୟାମ ମହାକୁଡ ଏନେଇ ପାଇକମାଳରେ ଥାନାରେ ଜଣାଇଥିଲେ। ଡିଏସପି ଦିନେଶ ନାୟକ, ଆଇଆଇସି ବିଶ୍ୱଜିତ୍ ମନବୋଧ, ପାଇକମାଳ ଦମକଳବାହିନିର କର୍ମଚାରୀ, ନୃସିଂହନାଥ ଜଙ୍ଗଲ ବିଭାଗର କର୍ମଚାରୀ, ମନ୍ଦିର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି କ୍ଷୀରୋଦ ସୋନି(୨୦)ଙ୍କ ମୃତଦେହ ଉଦ୍ଧାର କରିଥିଲେ। ବିଜୟ ମହାକୁଡ(୧୮) ପାଣି ସ୍ରୋତରେ ଭାସି ଯାଇଥିବାରୁ ତାଙ୍କୁ ଉଦ୍ଧାର କରାଯାଇପାରିନାହଁ।