ଝାରସୁଗୁଡା,ଏନ୍ଏନ୍ଏସ୍: ଝାରସୁଗୁଡା ଜିଲା ଗାନ୍ଧୀ ଛକ ନିକଟରେ ଥିବା ଏମସିଏଲର ହେଲିପ୍ୟାଡରେ ପାର୍କିଂ ହେଉଥିବା ଶହଶହ କୋଇଲା ଟ୍ରକ ମଧ୍ୟରୁ ଶନିବାର ସନ୍ଧ୍ୟାରେ ଗୋଟିଏ ଟ୍ରକ ହଠାତ ହୁ ହୁ ହୋଇ ଜଳିଯାଇଥିଲା। ଖବର ପାଇ ଏମସିଏଲ ଓରିଏଣ୍ଟ କ୍ଷେତ୍ରର ଅଧିକାରୀ ସୂର୍ୟ୍ୟ ପଟେଲ ଦମକଳ ନେଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ। ନିଆଁକୁ ତୁରନ୍ତ ଆୟତ କରାଯାଇଥିବାରୁ ସେଠାରେ ଥିବା ଅନ୍ୟ ଶହଶହ କୋଇଲା ବୋଝେଇ ଟ୍ରକ ଅଳ୍ପକେ ରକ୍ଷା ପାଇଯାଇଛନ୍ତି। ତେବେ କେଉଁ ପରିସ୍ଥିତିରେ ଟ୍ରକରେ ନିଆଁ ଲାଗିଲା କାରଣ ଜଣାପଡ଼ି ନାହିଁ।
