କେନ୍ଦୁଝର,ଏନ୍ଏନ୍ଏସ୍: କେନ୍ଦୁଝର ୨୦ନଂ ଜାତୀୟ ରାଜପଥରେ ୨ଟି ଟ୍ରକ ମୁହାଁମୁହିଁ ଧକ୍କା ହୋଇଛି। ଏଥିରେ ୨ଜଣଙ୍କର ମୃତ୍ୟୁ ହୋଇଛି । କେନ୍ଦୁଝର ଦେଇ ଯାଇଥିବା ୨୦ ନମ୍ବର ଜାତୀୟ ରାଜପଥର ସଦର ଥାନା ଅନ୍ତର୍ଗତ ଗୋପାଳପୁର ଗାଁ ନିକଟରେ ଗତକାଲି ରାତି ପ୍ରାୟ ୨.୩୦ ମିନିଟ ରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା।
କେନ୍ଦୁଝରରୁ ଆଇରନ ନେଇ ଯାଉଥିବା ଏକ ଟ୍ରକ ସହ କେନ୍ଦୁଝରକୁ କୋଇଲା ନେଇ ଆସୁଥିବା ଏକ ଟ୍ରକର ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ୨ଜଣଙ୍କର ମୃତ୍ୟୁ ହୋଇଛି। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଜଣଙ୍କର ଶବ ଉଦ୍ଧାର କରିଥିବାବେଳେ, ଆଉ ଜଣଙ୍କର ମୃତଦେହ ବର୍ତ୍ତମାନ ସୁଦ୍ଧା ଗାଡି ଭିତରେ ଚାପି ହୋଇରହିଛି। ତେବେ ମୃତୁକଙ୍କ ପରିଚୟ ମିଳିପାରି ନାହିଁ।
