ପାଟଣା,ଏନ୍ଏନ୍ଏସ୍: କାଳବୈଶାଖୀ ତାଣ୍ଡବରେ ଗତକାଲି ରାତିରେ ଭୁଲୁଦା ବାଭଣପଡା ସାହିରେ ଘର ଉପରେ ଗଛ ପଡିଯିବାରୁ ଗ୍ରାମର ତ୍ରିଲୋଚନ ନାଏକଙ୍କ ଦୁଇ ବଖରା ଘର ଭାଙ୍ଗି ନଷ୍ଟ ହୋଇଯାଇଛି। ତ୍ରିଲୋଚନ ତାଙ୍କ ପରିବାର ସହ ଘରେ ଥିବା ସମୟରେ ହଠାତ ଏକ ବିରାଟ ଜାମୁ ଗଛ ଘର ଉପରେ ପଡି ଯାଇଥିଲା। ଏଥିରୁ ପରିବାର ଲୋକେ ଅଳ୍ପକେ ବର୍ତ୍ତି ଯାଇଥିବା ବେଳେ ଦୁଇ ବଖରା ଘର ସମ୍ପୁର୍ଣ୍ଣ ଭାଙ୍ଗି ଯାଇଛି। ତେବେ ତ୍ରିଲୋଚନ ଜଣେ ଗରିବ ଶ୍ରେଣୀର ହୋଇଥିବାରୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି।
