ନୟାଗଡ଼,ଏନ୍ଏନ୍ଏସ୍ : ନୟାଗଡ଼ ଜିଲ୍ଲାରେ ପହଂଚିଛି କରୋନା ଭାଇରାସ୍। ଆଜି ଜିଲ୍ଲାରେ ପ୍ରଥମ ଥର ପାଇଁ କରୋନା ଆକ୍ରନ୍ତ ଥିବା ଜଣେ ଯୁବକଙ୍କୁ ସନ୍ଦିଗ୍ଧ ଅବସ୍ଥାରେ ଡାକ୍ତରଖାନାରେ ଭର୍ତୀ କରାଯାଇଛି। ସୂଚନାନୁସାରେ, ନୟାଗଡ଼ ଜିଲ୍ଲା ଫତେଗଡ଼ ଥାନା ଅନ୍ତର୍ଗତ ବିରଂଚି ରାଉତଙ୍କ ପୁଅ ମନୋଜ କୁମାର ରାଉତ ଦୀର୍ଘଦିନ ହେବ ତାମିଲନାଡ଼ୁରେ ରହୁଥିଲେ। କିଛି ଦିନ ହେବ ତାଙ୍କୁ ଜ୍ୱର, କାଶ ଲାଗି ରହିବାକୁ ସେ ଗାଁ’କୁ ଆସି ଭୂବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ। କୈାଣସି କାରଣ ବଶତଃ ସେ ହସ୍ପିଟାଲରୁ ଚାଲି ଆସି ଖଣ୍ଡପଡ଼ା ଓ ଭାପୁର ଡାକ୍ତରଖାନାରେ ଚିକିତ୍ସା ହେଉଥିବା ବେଳେ ଆଜି ଭୂବନେଶ୍ୱର କ୍ୟାପିଟାଲ ହସ୍ପିଟାଲ ନିର୍ଦ୍ଦେଶରେ ତାଙ୍କୁ ସ୍ଥାନାନ୍ତର କରାଯାଇଛି। କ୍ୟାପିଟାଲ ହସ୍ପିଟାଲରୁ ସୂଚନା ଆସିବା ପରେ ତାଙ୍କୁ ତାଙ୍କ ଘରୁ ଉଦ୍ଧାର କରାଯାଇ ୧୦୮ ଆମ୍ବୁାଲାନ୍ସ ଯୋଗେ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି ।
